Можеби до сега не сте помислиле да пробате, а можеби веќе знаете дека уникатниот вкус на домашен џем од лубеница долго се памети. Има одлична арома и брзо се подготвува. Оние кои го дегустатираа мислат дека ќе им се допадне на сите кои ќе го пробаат, а посебно на најпребирливите, а тоа се дечињата.
Од предложените состојки во рецептов , за 2 и половина до 3 часа, ќе добиете џем во количина на 2 средно големи тегли.
Состојки:
- 1 кг лубеница
- 500 гр кафеав шеќер
- 4 чаши вода
- ½ чаша сок од лимон.
Подготовка:
- Лубеницата пресечете ја и од неа отстранете ја кората бидејќи за џемот ви е потребен само црвениот дел од неа.
- Црвениот дел се сече на мали коцки и се отстрануваат семките.
- Во големо тенџере на тивок оган се става исечканата содржина и се додаваат водата, кафеавиот шеќер и сокот од лимон.
- Откако смесата ќе почне да врие постојано промешувајте.
- Оставете да се вари 2 до 2 и ½ часа на тивок оган.
- Варете се додека џемот убаво не се згусне.
- Откако џемот ќе биде готов се става во претходно загреани тегли, а потоа теглите затворете ги со капак и ставете ги во рерна на 120 степени да стојат најмалку еден час.
- Откако ќе измине 1 час изгаснете ја рерната и оставете ги теглите да се изладат внатре во рерната при што на таков начин теглите ќе бидат целосно вакумирани.
На здравје!