Кога го започнувате денот со оваа енергетска бомба во чаша, не ви преостанува ништо друго освен да испланирате какви убави активности и задачи може да завршите во денот! Испробано ни е, ова зелено смуди од киви и кокосово млеко овозможува ситост, свежина и расположение во денот!
Може да го користат и љубителите на веганскиот начин на исхрана. А, ако се прашувате каде да го најдете кокосовото млеко или дали ќе биде скапо, веднаш да ви кажеме дека може да го направите и дома. Имаме одличен испробан рецепт. Потребни ви се само неколку состојки, а целиот рецепт, заедно со видео приказ може да го погледнете ако кликнете тука.
За две порции потребно ви е:
Состојки:
- 2 киви
- 2 позрели банани
- 1/2 авокадо
- 1 лажица мед или јаворов сируп по желба
- 250 мл кокосово млеко
- 1 лажичка екстракт од ванила.
Подготовка:
- Најпрво излупете ги бананите и кивите. Исечкајте ги малку и ставете ги во блендерот.
- Потоа додајте го и авокадото, а на крај и кокосовото млеко, екстрактот од ванила и медот или јаворовиот сируп доколку сакате да е послатко.
- Блендирајте 30 секунди до 1 минута, сервирајте и препуштете се на уживањето. На здравје!
Ви препорачуваме да прочитате: Како да направите совршено смуди?