Новогодишните и божиќните празници ни се на самиот праг, па покрај китењето на елката време е да направиме и по некој друг празничен украс, со цел да ја внесеме новогодишната магијата во нашиот дом. Ние навистина ги сакаме празниците и се она што тие ни носат, а тука секако спаѓаат и интересните идеи за разни декорации. Денес ќе ви покажеме како да си направете новогодишни мали елки од шишарки.
Постапката за изработка на декоративните украси е едноставна и истата е прикажана и на видеото. На вас останува само да ги следите инструкциите и да го разубавите својот дом со интересни мини елки од шишарки.
Како да направите мини новогодишни елки од шишарки?
Пред да започнете, проверете дали ги имате на располагање следните материјали:
- шишарки
- зелена и бела акрилна боја
- силиконски пиштол
- светки во прав
- малечка саксија (може да искористите плутена тапа)
- мала украсна ѕвезда.
Начин на изработка на мини украсни елки од шишарка:
- Најпрво шишарката обојте ја со зелена боја и оставете ја да се исуши.
- Откако ќе се исуши, врвовите на шишарката обојте ги во бела боја за да изгледа како на елката да има паднато снег.
- Со силиконски пиштол залепете ја шишарката во малечка саксија. Може да користите плутена тапа која ќе ја пресечете на два до три дела.
- На врвот од шишарката залепете малечка украсна ѕвезда.
- За крај, шишарката може да ја посипете со светки во прав, со цел да постигнете целосен ефект на малечка новогодишна елка.
Ви препорачуваме да прочитате: Направете новогодишен свеќник со стапчиња цимет.