На секоја свечена трпеза за свадба, роденден, слава или именден големо внимание привлекуваат декорираните салфетки. А откако ќе ги припремите вкусните специјалитети, издвојте малку време и збогатете ја трпезата со салфетки во форма на ѕвезда.
Техника за виткање на салфетки во форма на ѕвезда
Само со неколку чекори и вие може да направите декоративна салфетка во форма на ѕвезда. Земете една салфетка, погледнете го краткото видео и следете ги следните инструкции:
- Салфетката отворете ја, а потоа два краеви превиткајте ги кон центарот за да добиете правоаголна форма.
- Потоа, двата краеви на правоаголникот свиткајте ги кон центарот, за да добиете форма на квадрат. Едниот дел од салфетка свиткајте го кон надворешната страна, а потоа превиткајте го неколку пати за да добиете форма на лепеза. Постапката повторете ја уште еднаш и со другиот крај на салфетката.
- Салфетката превиткајте ја на половина. Краевите на салфетката виткајте ги во внатрешноста, со што треба да добиете форма на рамностран трапез, како што е прикажано на видеото. Потоа, салфетката превиткајте ја на половина, нежно притиснете и поставете ја во чинија. Внимателно отворете ја салфетка за да добиете форма на ѕвезда.
- На крај, ви предлагаме во средината на ѕвездата да ставите бонбона со што дополнително ќе ја збогатите декорацијата.