Сигурно и вие се воодушевувате на прекрасните декорации од лубеница кои ги има на различните свечености како свадби, коктел забави и роденден. Декорацијата на храната ја разубавува трпезата, а некогаш не се потребни многу намирници за да направите нешто интересно.
Доколку ви се потребни идеи за да ја направите својата трпеза поатрактивна ви предлагаме да го погледнете кратко видео и да научите како може да ја направите интересна декорација од лубеница. Со малку труд и време и вие може да направите креативно дело кое сигурно ќе го привлечи вниманието на вашите гости.
Покрај декоративниот изглед, лубеницата е еден од омилените десертни освежувања и одлична замена за сладолед за сите кои сакаат да се заблажат со здрави калории, а крие придобивки за здравјето во секое парче. Освен што содржи повеќе од 90% вода и помалку од 10% овошен шеќер, богата е со витамини, посебно каротини (бета каротин), витамин Ц и витамините од Б групата. Од минералите содржи калиум, калциум, магнезиум, фосфор, цинк, железо и бакар.
Декорацијата на лубеница, воопшто не е тешка за изведување, а ќе изгледа уште попривлечна. Она што ви е потребно е мала лубеница и остар нож.
Техника за декорација на лубеница
- Најпрво со остар предмет, врз кората на лубеницата исцртајте ја формата која сакате да ја добиете. Потоа со помош на мал остар нож, внимателно исечете ја кората околу исцртаните форми.
- Во внатрешноста на исцртаните листови, исечете мали парчиња.
- Горната половина од лубеницата, пресечете ја внимателно. Потоа со помош на алатка за мали топчиња сладолед, издлабете ја внатрешноста на лубеницата.
- Продолжете со сечкање на непотребните делови, а потоа во внатрешноста вратете ги топчињата од лубеница.
- Декоративната чинија од лубеница послужете ја.
За најдобро разбирање на техниката, погледнете го видеото, следете ги инструкциите и направете си уникатна декоративна чинија од лубеница.