калинка 1

Калинка – спасител на срцето и чувар на косата

Калинката е многу моќно и ценето овошје, одлично за срцето и крвните садови, а се верува дека има најсилни антиоксиданси од сите овошја.

Отсекогаш била симбол на здравје, плодност и долговечност. Таа е богата со флавоноиди, полифеноли и моќни антиоксиданси кои помагаат за заштита од срцеви заболувања и рак. Само една чаша чист сок од калинка има повеќе антиоксиданси отколку што има во една чаша црвено вино, зелен чај, боровинки и малини. Калинката изобилува со витамини К, Ц, фолна киселина, бакар и калиум.

Кои лица треба да консумираат поголеми количини свежа калинка или сок?

Калинката треба да биде дел од менито кај сите лица што имаат проблеми со срцето и крвните садови (или се предиспонирани за оваа болест), висок холестерол или стврднување на артериите (во овај случај е особено ефективна).

Некои истражувања покажале дека калинката позитивно влијае во спречување на развојот на рак на дојка, рак на простатата, рак на дебелото црево, леукемија и тумори. Покрај тоа содржи соединенија кои го подигнуваат серотонинот и имаат благотворно дејство врз оние кои се депресивни и анксиозни.

калинка

Калинката ја зајакнува косата и ноктите

Покрај сокот од калинка и свежите калинки, од ова овошје во продажба се сретнува и масло кое е исто така е многу корисно особено за косата, ноктите и кутикулите. На пример разреден сок од калинка е одличен за мрсна и оштетена коса. Маслото од семките на калинката може да го најдете во аптеките и во био продавниците само внимавајте да го купите чисто 100%, затоа што некои компании продаваат мешавина.

Како најдобро да ги користите калинките?

Сокот од калинки можете да најдете во секое време, но не и свежото овошје. Свежите калинки може да ги чувате во пластични ќеси во фрижидер до 2 месеци и да ги искористите како додаток во свежи салати.

Сокот можете да го користите како вода за плакнење на устата, бидејќи има антибактериски својства, додека разреден сок со вода во однос 1:3 се користи за плакнење на устата пред миење на забите во траење од неколку минути.

Сподели: