Еден од популарните појадоци низ целиот свет кој се припрема од јајца е омлетот. Во зависност од земјата, омлетот се припрема на различен начин. Ние ви предлагаме да пробате јапонски омлет, затоа што се припрема на малку поинаков начин.
Она што е карактеристично за приготвувањето на јапонскиот омлет е техниката на печење, која е многу интересна и вреди да се проба. А резултатот е совршен!
Состојки:
- 3 јајца
- 1 лажица млеко
- 1 лажица исечкан морков
- 1 лажица исечкан кромид
- 1 лажица исечкан млад кромид
- сол и црн пипер.
Подготовка:
- Јајцата и млекото ставете ги во длабок сад и изматете ги со виљушка. Во садот додадете ги морковите, кромидот, солта и црниот пипер.
- На оган, ставете тава за палачинки да се загрее. Потоа премачкајте ја тавата со масло и ставете една лажица од смесата за омлет. За понатамошната подготовка следете ги инструкциите на видеото.
- Приготвениот јапонски омлет послужете го додека е топол.
Ви предлагаме да прочитате: Омлет со компири во шпански стил.