Времето затоплува, па многумина од нас почесто излегуваат во природа. А покрај тоа и првомајските празници не може да се замислат без вкусна скара која се приготвува по ливадите. А кога сме кај скарата, ако немате или сте заборавиле да ја понесете со вас, имаме супер предлог. Може да си направите скара од конзерва и тоа за само две три минути.
Започнуваме со овој одличен предлог за уживање во дворот.
Скара од конзерва
Оваа скара е многу ефикасна, се прави веднаш и ќе ви заштеди пари. Кој би рекол дека обичната конзерва, може да послужи за нешто толку многу добро.
За да ја направите потребни ви се:
- стара конзерва
- отворач за конзерви
- ножици
- алуминиумска фолија
- решетка.
Подготовка:
- Со помош на отворач исечете го горниот дел на конзервата. Бидете внимателни да не се исечете од горниот остар дел.
- Со помош на ножици исечете ленти со ширина од околу 1.5 см до 2 см од конзервата. За оваа постапка најдобро е да ги следите инструкциите на видеото.
- Лентите отворете ги, така што ќе добиете форма на цвет. Горните краеви на лентите малку потсвиткајте ги.
- Во средината на конзервата поставете поголемо парче на алуминиумска фолија. Потребно е да ја завиткате конзервата од горниот дел.
- Во средината на скарата поставете ќумур и запалете го. Штом се добие жар, врз скарата ставете решетка. Може да ја искористите решетката од рерната на шпоретот.
- Штом решетката се загрее врз неа ставете месо или зеленчук по избор. Печете го додека е готово. Уживајте во вашиот направи сам проект и вкусниот ручек!
Ви предлагаме да прочитате: Домашно мариниран пилешки стек на скара.