Посен подварок од свежа зелка

Традиционално јадење, но сега подготвено на малку поинаков начин! Од поискусните домаќинки дознавме дека има начин да се зготви многу вкусен, а посен подварок и тоа од пресна зелка, како што е традиција во зима.

Ова јадење можете да го подготвувате преку целата година, а посебно одлично доаѓа идејата за време на постите!

подварок

Состојки:

  • 1 кг свежa зелка
  • 1 главица кромид
  • 1 сува пиперка
  • 4 компири
  • црн пипер во зрно, рузмарин, мелен црн пипер, по вкус
  • 1 лажичка ким
  • 1 лажичка сусам
  • 1 лажичка ситна црвена пипер
  • 1 лажичка лута буковска пипер
  • 50 мл масло
  • 5-6 чешниња лук
  • ловоров лист по вкус.

Подготовка:

  1. Зелката исечете ја на тенки резанци.
  2. Налејте го маслото во тенџерето во кое планирате да ја готвите зелката и малку запржете го ситно сечканиот кромид. Потоа во садот додајте ја и исечканата зелка, ловоровиот лист, сувата пиперка претходно исечкана на парчиња и динстајте со малку вода.
  3. Во чинија настрана направете сува маринада за зелката. Рузмаринот ситно исечкајте го и додајте ги сите останати суви зачини. Добро измешајте и додајте ја сувата маринада во зелката.
  4. Динстајте околу 30 минути, а потоа пред крајот додајте го и ситно сечканиот лук.
  5. Целата смеса измешајте ја добро, па префрлете ја во пекач или најдобро земјена тава.
  6. Во средината додајте ги компирите исечени на кругови и вертикално наредени. Налејте со малку масло и поклопете или покријте со фолија.
  7. Печете на 220 степени, за време од 40 минути, за убаво да зарумени јадењето. Готовиот посен подварок сервирајте го во чинија со друг зеленчук по желба. На здравје!

Ви препорачуваме да прочитате: Здрав прилог од моркови, трупка и кинеска зелка.

Сподели: