фестивал на органска храна 1

По шести пат се организира „Фестивал на Органска Храна”

Град Скопје со големо задоволство го најавува Фестивалот на Органска Храна, кој годинава по шести пат ќе се одржи на 07-ми Октомври на Плоштад Македонија во Скопје. Програмата ќе стартува од 10.00 часот и ќе трае се до 18.00 часот.

Фестивалот има за цел да го промовира користењето на органската храна како важен сегмент од секојдневната  исхрана на човекот.  За таа цел ќе се зборува за сите предности кои ги носи користењето на органската храна, за Вашето здравје и здравјето на Вашите најблиски.

фестивал на органска храна

Брзиот начин на живот, стресот, како и неизбалансираната исхрана, знаат да предизвикаат нарушување на здравјето кај граѓаните. За таа цел, програмата на овогодинешниот Фестивал на Органска Храна вклучува јога работилници за деца и возрасни, воспоставување на баланс помеѓу телото и умот, дебата со наши нутриционисти околу здравиот начин на исхрана и разнолики работилници за најмалите. Во изложбениот дел на фестивалот ќе имате можност да видите и вкусите од производите на повеќе од 20-тина органски производители и компании кои нудат здрава исхрана: органска козметика, органски мед, органски зеленчук и овошје и многу други.

Бидете дел од овој еднодневен настан, со музика, активности и едукација заедно да градиме здрави навики.

Повеќе информации околу настанот и програмата, може да најдете на фан страната: Фестивал на Органска Храна.

Ви предлагаме да прочитате: Со органска храна до помалку пестициди.

 

Сподели: