Празничната еуфорија започна! Кој ги обожава декоративните снежите топки? Кој ги обожава теглите полни со колачиња и бонбони? Ако одговоривте потврдно, оваа лесна идеја која може да ја направи секој, е токму за вас.
Снежните топки се забава за децата и за возрасните. Постојат во различни големини, најчесто со новогодишни и божиќни мотиви. Празничните тегли со снежна топка над нив прекрасно изгледаат, а може да ги направите многу полесно отколку што мислите. Погледнете го видеото и следете ги инструкциите.
Декоративна празнична тегла со снежна топка
Еве што треба да си набавите, пред да започнете со подготовка:
- стаклена тегла со капак
- мали новогодишни украси
- лажен снег
- декоративна лента која ќе ја врзете околу теглата
- лепило или силиконски пишток
- бела хартија
- ножици
- транспарентна пластична ѕинѕурка.
Подготовка:
- Со помош на капакот од теглата, врз белата хартија исцртајте круг. Потоа кругот исечете го и залепете го во внатрешноста на капакот.
- Од новогодишните ѕинѕурки отсечете ја врвката. Врз долниот дел ставете лепило. Доколку имате на располагање може да користите и силиконски пиштол, па украсите залепете ги врз горниот дел на капакот.
- Врз украсите ставете лажен снег.
- Транспарентната ѕинѕурка поделете ја на два дела.
- На краевите на капакот ставете лепило и залепете ја едната половина од ѕинѕурката.
- Теглата наполнете ја со омилените колачи или бонбони, а потоа затворете ја со декорираниот капак. На крај, секоја тегла заврзете ја со украсна лента. Уживајте во празничната атмосфера!
Ви предлагаме да прочитате: Направете уникатни новогодишни декорации со светки.