Првут - 5 домашни и природни лекови

Првут – 5 домашни и природни лекови

Шампоните против првут можат да бидат доволно ефикасни, но понекогаш можат да бидат доста штетни, затоа подобро е да користите природни начини за лекување кои се доста ефективни и ќе ви помогнат за да ослободите од првутот.

Првутот може да биде резултат на сув скалп или состојба на кожата што се нарекува себореичен дерматитис. Исто така, може биде предизвикан од егзема, псоријаза или од габи наречени Malassezia. Бидејќи е непријатен за оној кој го има, предизвикува чешање, а често и чувство на страм, посегнете по природни лекови и лесно ослободете се од него.

Првут - 5 домашни и природни лекови

Ви предлагаме 5 природни лекови против првут:

Маслиново масло 

Измешајте 2 лажици маслиново масло со 1 лажица бадемово масло. Внимателно нанесете го на главата и добро масирајте го коренот. Оставете да делува 15 минути, а потоа исплакнете.

Исто така може да подготвите маслиново масло и масло од  рузмарин. Во една лажица маслиново масло ставете 10 капки масло од рузмарин. Внимателно нанесете го на вашата коса и масирајте ги главата и темето. Овој лосион нанесете го навечер и оставете да делува преку ноќта, па наутро измијте ја косата.

Јаболков оцет

Измешајте 60 милилитри вода со 60 милилитри јаболков оцет, а потоа смесата ставете ја во шише со распрскувач. Добро испрскајте ја косата, завиткајте ја во крпа и оставете ја 15 минути до 1 час. Потоа измијте ја косата со бебешки шампон. Овај третман правете го 2 пати неделно.

Свеж сок од лимон

Исцедете свеж сок од лимон. Земете 2 лажици сок, нанесете го на скалпот и масирајте ја главата. Потоа во една чаша вода ставете 1 лажица сок од лимон и повторно масирајте ја вашата коса, а по некоја минута исплакнете ја. Овај третман може да го правите неколку пати во неделата за да постигнете максимални резултати.

Аспирин

Аспиринот содржи активна состојка (салицилна киселина), која што може да се најде во повеќето шампони против првут. Издробете 2 таблети аспирин и ставете ги во малку шампон, за да може да ја измиете косата. Нанесете ја смесата на косата вмасирејте ја и оставете да делува 2 минути. Потоа исплакнете и нанесете само шампон.

Кокосово масло

Пред миење на косата ставете 3 до 5 лажици кокосово масло и вмасирајте во скалопoт. Оставете маслото да делува 1 час, а потоа измијте ја косата со шампон.

Сподели: