Одлични се за со омилениот топол напиток, но и како состојка за различни десерти. Ако посакувате да пробате домашни бисквити со утринското кафе или чај, еве го нашиот рецепт.
Тие се вкусно и крцкаво задоволство. Радост за целото семејство и закуска која може да ја понесете со себе каде и да одите. Па, време е да го прочитаме рецептот!
Состојки:
- 4 јајца
- 150 гр шеќер
- 110 брашно
- 1/2 лажичка прашок за печиво.
Подготовка:
- Рерната загрејте ја на 200 степени.
- Прво раздвојте ги белките и жолчките. Во сад изматете ги белките до цврст снег, а потоа постепено додајте 2 лажички шеќер.
- Во друг сад измешајте ги жолчките со остатокот од шеќерот. Мешајте додека смесата стане густа и со бледа боја.
- Брашното просејте го и измешајте го со прашокот за печиво.
- Во сад ставете ја половина од густата смеса од белки измешани со жолчките, а потоа додајте го брашното, измешајте и додадете ги преостанатата смеса од белки, па се убаво измешајте.
- Добро измешаната смеса турете ја во шприц за филовање, па во претходно обложен плех со хартија за печење формирајте домашни бисквити со облик по желба.
- Во претходно загреаната рерна, печете околу 8 минути.
Совет плус: Во смесата можете да додадете и малку екстракт од ванила, а по печењето по желба може да посипете со шеќер. На здравје!
Ви препорачуваме да прочитате: Здрави солени бисквити без глутен.