Топлото летно време има и свои позитивни страни, а една од нив лесната достапност и ниските цени на овошјето и зеленчукот. Ако сте љубители на доматите и сакате во него да уживате и во зима, направете си сушени домати со маслиново масло.
Сушените домати совршено се комбинираат со тестенини, месо, риба и салати. Можете да ги исушите и во вашиот двор, во лето кога температурата е висока, а ако немате услови, тоа може да го направите и во рерна.
Состојки:
- 1 кг зрели домати
- крупна морска сол.
За маринада:
- ладно цедено маслиново масло
- свеж босилек
- 3 чешлиња лук
- 3 стапчиња мајчина душица
- 2 стапчиња оригано
- 2 стапчиња рузмарин.
Подготовка:
- Изберете домати со еднаква големина. Измијте ги и пресечете на половина по должина.
- Отстранете им ги семките, а потоа наредете ги во тава, обложена со хартија за печење.
- Доматите попрскајте ги со сол по вкус и ставете ги во загреена рерна на 95 степени за да се сушат. Времето на сушење е во зависност од големината на доматите и количеството на вода во нив, а потребни се околу 7 часа. Помалите домати се сушат за пократко време.
- Кога ќе се исушат се оставаат да се изладат.
- Исушените домати се ставаат во тегли, а помеѓу нив се става од лукот, босилекот и преостантите зачини. Во теглата се додава масло за да ги прикрие доматите. Теглите се затвораат и се чуваат на ладно и темно место, а најдобро во фрижидер. Припремените сушени домати искористете ги во рок од 1,5 од 2 месеци.