Пламенот од свеќи во најразлични бои и големини му дава дополнителна романтика и ја разубавува новогодишната атмосфера. Но, цените на празничните свеќници се прилично високи, па ретко кој може да си дозволи и да купи 4 до 5 новогодишни свеќници кои ќе го разубават домот.
А ние имаме одлично решение и супер предлог, со кој ќе може да направите два уникатни новогодишни свеќници со минимален трошок, а ќе ја збогатите празничната атмосфера. Погледнете го видеото, земете 2 стари тегли, лепило, фломастер и фатете се за работа.
Потребни ви се:
- стари тегли
- лист хартија или шаблон (може да го симнете тука)
- црн фломастер
- лепило
- бела или сребрена светкава прашина
- акрилни или темперни бои во бела и црна боја
- чепкалки
- свеќи.
Декорација на новогодишен свеќник со светкава прашина
- На лист хартија нацртајте ја вашата омилена празнична идеја. Доколку немате идеја, може тука да ја симнете сликата која е прикажана на видеото. Нацртаната слика, поставете ја во внатрешноста на теглата.
- Врз теглата со црн фломастер, исцртајте ги линиите од сликата.
- Штом ќе ги исцртате линиите и ќе ја добиете сликата на теглата, врз елките, куќичките и останатите елементи со помош на четка, нанесете лепило. Врз лепилото поросете светкава прашина во бела или сребрена боја. По желба може да наросите прашина во друга боја.
- Вишокот на прашина, истресете го врз лист од хартија и повторно вратете го во пакетчето.
Декорација на новогодишен свеќник со темперни бои
Доколку не сте љубител на светкавата прашина, направете си уникатни новогодишни свеќници со темперни бои.
- На лист хартија нацртајте ја вашата омилена празнична идеја. Доколку немате идеја, може тука да ја симнете сликата која е прикажана на видеото. Нацртаната слика, исечете ја, а долната страната премачкајте ја со лепило.
- Сликата залепете ја врз теглата.
- Земете неколку чепкалки и заврзете го со ластиче. Потоа со чепкалките земете од белата акрилна боја и украсете ја теглата во горниот дел. Со ова ќе се постигни ефект на снегулки.
- Земете црна или боја по ваш избор и обојте ја сликата која е поставена на теглата.
Во направените новогодишни свеќници ставете свеќи, запалете ги и уживајте во пријатната атмосфера и празнично расположение. А за да го разубавите домот ви предлагаме да направите и: