Космополитен е еден од светски популарните коктели кој претставува вистинско освежување. За прв пат е создаден во Сан Франциско, а големо влијание за неговата популарност има серијата Sex and the City, во која главните актерки често порачуваат Космополитен за време на нивните забави. Коктелот се служи во чаша за мартини, а неговата подготовка е едноставна.
Состојки:
- 50 мл вотка со вкус на портокал
- 25 мл triple sec или cointreau (ликер од портокал)
- 15 мл свеж сок од зелен лимон
- 50 мл сок од брусница
- кора од портокал за декорација
Подготовка на Космополитен:
- Чашата за мартини изладете ја (најлесен начин е да ставите коцки мраз).
- Ставете ги сите состојки во шејкер за коктели и дополнете со мраз. Измешајте убаво за време од 20 секунди.
- Коктелот ставете го во изладената чаша за мартини. Украсете го со кора од портокал.