Природата безброј пати ни покажала дека има решение за сите наши проблеми. Многу познати растенија со кои се среќаваме секојдневно, во себе кријат богата нутритивна вредност за која ние сеуште не знаеме доволно. Една од тие хранливи материи е фитонутриентот ликопен, чудотворен антиоксиданс кој има огромни лековити својства. Оваа моќна природна состојка ја има во огромни количини во доматите, но и во други црвени овошја и зеленчуци како што се лубеницата и папајата.
Преубаво мезе, посебно за љубителите на сирење. Декоративно многу, а и превкусно! Овој интересен рецепт го најдовме на страницата на нашата пријателка Весна. Откако прочитавме за нејзиното воодушевување за вкусот на вака припременото сирење со ореви и зачини, а и дознавме дека ова е еден од најбараните рецепти за свечените и празнични трпези каде што живее таа, не се двоумевме да го споделиме со вас.
Чувар куќа (Sempervivum tectorum) е месеста и сочна билка која кај нас е многу позната по нејзината лековита моќ. Таа најчесто се користи за лекување на рани, испукана кожа, чиреви, хемороиди, прочистување од цревни паразити, болку во уво или грло, па дури и шеќерна болест. Во таа насока ви претставуваме рецепт за лековит чај од цвеќето чувар куќа кој помага против чир на желудник и проблеми со обилен менструален циклус.
Hawaiian Spirulina e суперхрана за трудници, доилки и деца и тоа со загарантирано природно потекло. Тоа е и причината за нејзиното извонредно добро искористување од човечкиот организам, бидејќи тој го препознава природното! Разните мулти витамински и минерални производи создадени од човекот сепак се недоволно добри во однос на природното, па во оваа прилика споделуваме неколку корисни информации за сите идни и млади мајки, како и за мајките кои веќе ги потпораснале своите деца.
Белиот слез е еден од главните борци против настинка и грип. Со векови наназад, тој важи за едно од најлековитите растенија на планетата, а тоа ни малку не е чудно затоа што моќниот бел слез ја олеснува кашлицата, ги ублажува симптомите на астма, го зајакнува имунитетот, а се верува дека со негова помош може да се излечат и многу кожни заболувања.
Обилните трпези и празниците поминаа, па време е да се погрижиме за нашиот изглед и здравје, како и да се вратиме на добрите навики. Меѓутоа, сите знаеме дека тоа не оди така лесно, па освен што треба да правиме некој добар режим на исхрана, корисна би била природната помош кој ја овозможува овој здрав домашен напиток за слабеење!
Најчесто рестриктивните диети не функционираат, па за да го забрзате метаболизмот и да ослабнете на здрав начин, а што е поважно да го спречите повторното враќање на килограмите, треба да се потрудите малку повеќе. Иако, целиот процес на слабееење често е фрустрирачки и бара огромно жртвување, не треба да се откажете од вашиот сон за здрава телесна тежина. Напротив, треба да направите повеќе промени во вашата рутина, да се храните здраво и да бидете упорни, а резултатите од целиот ваш труд ќе бидат неизбежни.
„Уште еден превкусен рецепт од кујната на Сѐ за храна, со љубов креиран и припремен од мене! Направени со љубов и за уживање во вкусот. Намерата ми беше да изберам здрави состојки и од нив да добијам нешто вкусно, а а привлечно за јадење. Што се однесува на описот, овие р’жани ѓевречиња со ајвар имаат лесно приемлив вкус, меки се и погодни за носење за каде и да сакате. Сѐ на сѐ, одлични!“ – срдечно препорачува Катерина за рецептот.
Претходно пишувавме за симптомите кои се јавуваат при недостаток од витамин Б1, а сега ќе ве запознаеме со изворите, улогата и дневните потреби на организмот од овој витамин. Тој е важен за правилен метаболизам, добро функционирање на нервите и мускулите и подобрување на менталното здравје. Житарките, некои овошки и зеленчуци се добар извор на витамин Б1, а дневните препорачани количини зависат од полот, како и од состојбата на лицата.
Витаминот Ц кој уште е познат како аскорбинска киселина, припаѓа во групата на витамини растворливи во вода. Тој е потребен за нормален раст и развој, учествува во обновата на ткивата во сите делови од телото, помага во заздравувањето на коските, намалувањето на лошиот холестерол и нормализирањето на крвниот притисок. На сите нас добро ни е познато дека витаминот Ц го зајакнува имунолошкиот систем и не прави поотпорни на вируси и настинки, па затоа, во периодите кога настинките се честа појава се препорачува освен преку храната да се внесува и додаток на исхрана витамин Ц за силен имунитет и одржување на здравјето на беспрекорно ниво.
