Нам не освои уште на прв поглед, а совршениот спој на нутела и лешници го прават овој десерт вистинска гозба за сетилата. Рецептот за оваа вкусна плетенка со нутела и лешници е испробан и понекогаш, наместо традиционалниот козињак може да ја направите неа и да ги воодушевите сите со вашите кулинарски способности.
Tоплите денови ја будат желбата за ладни кремасти десерти, па со право може да се каже дека и најжешките денови полесно поминуваат со топче вкусен сладолед. Така се инспириравме да ви дадеме идеја за да си направите домашен кремаст сладолед со вкус на лимон, кој убаво ќе ве освежи во топлите денови.
Совршена комбинација за богат прилог кој сигурно ќе му се допадне на целото семејство! Нам веќе е ни е еден од омилените рецепти, а посебно обожаваме да го правиме за време на празници и свечени фамилијарни собири. Пробајте го и вие нашиот вкусен прилог од запечени компири со домашен тартар прелив, ќе уживате неизмерно!
Супер појадок или вкусна ужина послужена во чаша! Пробајте нашиот нов рецепт за подготовка на смути со јагоди и банана. Позитивна карактеристика на ова смути е тоа што може да го правите преку целата година затоа што во рецептот се користат замрзнати јагоди. А ако сакате може да го направите и со свежи јагоди, но во тој случај, најдобро е бананата претходно да ја замрзните. Било и како да го направите, веруваме дека ќе биде едно од омилените кое сте го пробале.
Мммм…пица! Зарем постои човек на светот што не го обожава ова ремек дело на италијанската кујна? Топло и убаво испечено тесто во фурна, доматен сос, оригано, кашкавал што топи во устата и месни додатоци кои го даваат вистинскиот мирис и шмек. Станавте гладни зар не? Еве еден предлог за познатата Пеперони пица, кој сигурно ќе ви се допадне.
Ни наближува Велигден, па секој од нас сака да го прослави најубаво што може. Во секој дом со голем мерак, еуфорија и неколкудневно планирање се припрема изгледот на велигденската трпеза. Сите сакаме да биде богата, да биде прекрасна и да го краси домот, да донесе радост и насмевки на лицата на саканите! Затоа си наполнивме кошничка со производи со традиционален квалитет и во соработка со нашите пријатели од Витаминка, припремивме неколку вкусни и брзи рецепти, како и идеи за декорација кои со сигурност ќе ја разубават велигденската трпеза. Ние уживавме во вкусните сензации на јадењата, а веруваме ќе уживате и вие!
Печурките се едни од нашите омилени намирници, па често ги користиме за подготовка на убави јадења за неизмерно уживање со семејството и пријателите! Овој пат избравме да ги пробаме новите свежи кафеави печурки на Бонум, а за тоа имаме повеќе причини! Пред сѐ, кафеавите шампињони се поцврсти од белите и имаат убава форма која се задржува и во конечниот изглед ако ги подготвите во некој убав специјалитет. Нивните карактеристики ги прават да се потрајни во споредба со белите, па решивме што почесто да ги користиме во исхраната. Откако ги дознавме овие нешта, се роди идејата за овој вкусен рецепт, кој совршено може да се вклопи на велигденската трпеза. Пробајте ги нашите кафеави полнети печурки со изварка и спанаќ!
Дали ви се верува дека може да ја направите оваа убава велигденска „зајко“ торта и тоа без печење? Да, баш така. Лесно ќе може да направите совршена и вкусна торта за велигденските празници! Овој пат инспирација ни беа производите од Vincinni, Сончева долина и Натура. Си набавивме убава кошничка со производи и го прифативме овој интересен предизвик. Па, за да ви ја олесниме подготовката ќе ви кажаме подетално кои производи ги користевме, а сите чекори ви ги прикажуваме преку фотографии.
Ако има нешто на кое што без двоумење можеме да дадеме одговор, тоа е прашањето за вкусот кој ни го одбележа детството и кој и ден денес ни е неодолив при секоја дружба и седенка, како мезе пред да се испече скарата, како „најдобар другар“ на сите патувања… Одговорот е ист во сите тие прилики, крцкавиот стоби флипс! Токму тие спомени и уживањето во тој традиционален вкус кое трае и до денес, нѐ мотивира да создадеме нова уникатна комбинација и да откриеме нов вкус преточен во велигденска крем салата со стоби флипс. Препорачуваме без двоумење да ја пробате!
Разубавете ја велигденската трпеза со брз десерт во чаша! Нема потреба да изгубите многу часови во кујната за да направите слатко совршенство. А што е уште поважно, секој може да го направи овој брз десерт богат со ванила крем. За да ви ја олесниме подготовката и да ви заштедиме време кое може да го поминете со семејството и пријателите, детално ви напишавме кои производи ги набавивме за подготовка.
Ни доаѓаат убави празнични моменти, богати трпези и дружења со семејството и пријателите! А за да ви заштедиме време и пари, a дружењето да го направиме уште подобро, ви предлагаме супер велигденски рецепт кој ние веќе го испробавме. Направивме велигденска урнебес салата со варени јајца, која се прави само за 3 минути и знаеме дека ќе ве освои!
Доколку сеуште го немате смислено вашето мени за велигденските празници, ние имаме една супер идеја за вас. Овој Велигден израдувајте ги вашите најблиски со вкусен пилешки терин – свечен ролат од сечкани состојки, а ние ви гарантираме дека овој ручек ќе ги задоволи вкусовите и на најпребирливите гости.