Сакате да направите мала промена на велигденската трпеза? – Изненадете го семејството со превкусна салата, сервирана во белки од варени јајца. Потребни ви се 10-тина минути за подготовка, а веруваме дека секој член на семејството ќе го пронајде омилениот вкус. Овие симпатични полнети јајца со фил, направени само со 5 состојки ги припреми Марија од нашиот тим. Уживајте во прекрасните фотографии и запишете си го рецептот, па за време на велигденските празници, направете го и дегустирајте го.
„Спомени од дестството! Совршено крцкави, неизмерно вкусни и направени од вештите раце на мајка ми! – Ете на тоа ме потсетуваат овие крцкави вртени стапчиња. Мајка ми ни ги правеше од кога знам за себе, па сега со огромно задоволство ги правам јас. Пријатните емоции од сеќавањата на крцкањето и уживањето во дружбите, родендените, ме поттикнаа да научам да ги правам совршено како неа. Сите кои ги пробаа, се воодушевија и затоа ви ги препорачувам! – вели Катерина од нашиот тим.
Кај има поубаво од вкусот на домашните традиционални јадења? Се сложувате ли со нас? – Ве потсетуваме на едно јадење кое потсетува на љубовта и грижата од мајките и бабите. На Инстаграм профилот на Сика, најдовме проверено вкусно макало од сушени пиперки и компири. Нашата семејна традиција е многу слична со онаа на нашите пријатели од Сика, па со задоволство го споделуваме овој супер вкусен и посен рецепт.
„Идејата да ја направам оваа крем супа за силен имунитет потекна во деновите кога бев трудна и единствено на природен начин се справував и борев против настинките. А подоцна, со сите случувања и појавата на короната, премина во јадење кое многу често е на домашното мени. Вкусот е уживање и потполно ќе ве изненади, неочекувано добар! – Топло ви ја препорачувам. Ако еднаш ја пробате, знам дека ќе си ја меморирате и ќе ми кажете колку ви се допаднал рецептот.“ – започнува Катерина од нашиот тим.
Скоро и да нема веќе човек кој не слушнал дека спирулината е супер храна, нели!? – А знаете што? – Целиот наш тим ја обожава и освен како додаток во исхраната, и имаме најдено еден мал милион примени во рецепти. Токму така, дојдовме на идеја да го споделиме и овај превкусен рецепт за крцкави гранола плочки со спирулина! Екстра богата со хранливи нутриенти и лесна да може да ја носите со себе секаде.
Секоја вевчанска трпеза претставува максимално уживање за сите сетила. Преку вевчанската храна, а особено познатите вевчански питули, каде и да се наоѓате, ќе имате можност додека јадете, да ги почувствувате убавите моменти што ви се случиле во Вевчани. Ќе ви се вратат сликите од Вевчанскитe извори, недопрената природа и прекрасното место кое изобилува со вкусна храна, вино, добри домаќини и моменти кои ќе ги паметите вечно.
Крцкав помфрит со совршена златна боја и текстура директно од вашата рерна! Повеќе не мора да јадите во ресторан, за да уживате во перфектно подготвен помфрит. Сѐ што ви е потребно е да набавите една ќесичка замрзнати компири и да ги следите нашите инструкции. Полесно не може да биде, а крајниот резултат е спектакуларен! За само 20-тина минути на вашата трпеза ќе сервирате крцкав помфрит подготвен во рерна.
Имајќи предвид дека на денешно време е тренд разни намази и паштети да се припремааат дома, имаме интересен предлог за вас. За време на пости кога изборот на намирници е ограничен, секој рецепт за посен намаз или паштета е добредојден. Така, дојдовме до идеја да ја споделиме со вас нашата посна паштета од туна која се приготвува многу лесно!
