Доаѓа лето и време е за летна и лесна облека. Но, за многумина ова претставува проблем поради проширените (варикозни) вени на нозете. Околу 25% од женската и 10% од машката популација се соочуваат со проширени вени, кои се доминантна болест на површинскиот венски систем. Под проширени вени се подразбираат дилатирани и променети површински вени на долните екстремитети. Најчесто болеста е од лесна природа и е безопасна по животот на болниот. Меѓутоа, таа претставува значаен сериозен здравствен и социјален проблем со оглед на последиците до кои може да доведе.