„Неверојатно е вкусна, а полесна погача немате направено! Сигурна сум дека ве интересира како постигнав да е превкусна, брза и лесна за подготовка, па топло препорачувам да го пробате мојот рецепт за Велигденска венец погача. Мека како памук и декорирана со желе бонбони, идеална за празничната трпеза!“ – срдечно споделува Катерина од нашиот тим и ви препорачува да ја пробате што поскоро нејзината лесна Велигденска погача.
Време е за прекрасни и вкусни идеи! А кога станува збор за месено и слатко, може да замислите колку е вкусно, нели?! Го обожаваме овој рецепт и секоја година го подготвуваме традиционално. Ја правиме затоа што домашните ја обожаваат, а бидејќи прва асоцијација многу често е крем, во оваа прилика сакавме да го доловиме вкусот кој потсетува на домашен козињак и направивме Велигденска плетенка со мармалад!
Пролетта и Велигденските празници се време од годината во кое сите ние посебно уживаме! Пазарите стануваат шарени и богати со разни бои кои го слават животот и ги симболизираат убавите нешта во него! А ние, кога ќе ги видиме сите тие убавини, веднаш помислуваме да креираме некој интересен и многу вкусен рецепт, па овој пат во пресрет на еден од најголемите христијански празници, ви предлагаме да си направите велигденска свежа салата!
Дали ви се верува дека може да ја направите оваа убава велигденска „зајко“ торта и тоа без печење? Да, баш така. Лесно ќе може да направите совршена и вкусна торта за велигденските празници! Овој пат инспирација ни беа производите од Vincinni, Сончева долина и Натура. Си набавивме убава кошничка со производи и го прифативме овој интересен предизвик. Па, за да ви ја олесниме подготовката ќе ви кажаме подетално кои производи ги користевме, а сите чекори ви ги прикажуваме преку фотографии.
Ако има нешто на кое што без двоумење можеме да дадеме одговор, тоа е прашањето за вкусот кој ни го одбележа детството и кој и ден денес ни е неодолив при секоја дружба и седенка, како мезе пред да се испече скарата, како „најдобар другар“ на сите патувања… Одговорот е ист во сите тие прилики, крцкавиот стоби флипс! Токму тие спомени и уживањето во тој традиционален вкус кое трае и до денес, нѐ мотивира да создадеме нова уникатна комбинација и да откриеме нов вкус преточен во велигденска крем салата со стоби флипс. Препорачуваме без двоумење да ја пробате!
Остана уште многу малку време до почетокот на велигденските празници, па време е да си направиме нешто креативно кое на домот ќе му даде празнична магија. Препуштете и се на фантазијата и овој Велигден направете нешто поинакво од секогаш и воодушевете ги вашите најблиски со креативноста. Имаме еден многу интересен предлог за декорација на велигденската трпеза за која ви се потребни само еден балон и макарони, а со чија помош ќе направите прекрасна велигденска кошничка од макарони.
Ни доаѓаат убави празнични моменти, богати трпези и дружења со семејството и пријателите! А за да ви заштедиме време и пари, a дружењето да го направиме уште подобро, ви предлагаме супер велигденски рецепт кој ние веќе го испробавме. Направивме велигденска урнебес салата со варени јајца, која се прави само за 3 минути и знаеме дека ќе ве освои!
