Некаде се нарекува зелје, а некаде штавеј. Како и да е, ливадите изобилуваат со оваа вкусна зелена храна. Излезете и наберете си. А ако не сакате сами да берете, побарајте ги во најблискиот пазар. Пазарџиите кои се љубители на природата, ги берат и ги сервираат овие уживања до нас. Искористете ја сезоната и направете разни вкусни јадења. Катерина Шамбевска Спасеновска од нашиот тим е голем љубител на храна од природата, па побаравме во нашата архива и ви оздвојуваме неколку рецепти со зелје од нејзината кујна. Пробајте ги и пишете ни во групата на Сѐ за храна како ви се допаднаа.
А ако сакате да дознаете повеќе за штавејот, Катерина малку истражуваше на темата, па може да прочитате тука: Штавеј – зелјест зеленчук кој лекува.
Брза пита со штавеј, јајца и сирење
Ако сакате да јадете нешто здраво и вкусно со многу протеини и витамини, пробајте го нашиот најнов сезонски специјалитет, пита со штавеј, јајца и сирење. Се подготвува брзо, лесно и едноставно, а ќе им се допадне на сите.
Состојки:
- штавеј
- јајца
- сирење
- масло
- сол.
Подготовката на брзата пита со штавеј прочитајте ја тука.
Солен куглоф со зелје и семиња
Ви предлагаме солен куглоф со зелје и семиња, со нежен вкус и прилагоден на сите генерации, а составот е без глутен што е одлична вест за многумина. Подготовката не може да биде поедноставна , без миксер, брза и лесна!
Состојки:
За куглоф:
- 3 средно големи јајца
- 100 грама бело сирење (младо или фета)
- 250 мл јогурт
- 75 грама чистено зелје
- 2 лажици маслиново масло
- 3/4 чаша пченкарно брашно
- 1 ќесичка прашок за печиво
- 1/2 лажичка сол или прстофат сол по вкус
- 1 лажичка чиа семе
- 2 лажици лупен сончоглед
- 1 лажица семки од тиква.
За печење и декорација:
- путер за премачкување на калапот по потреба
- 1 лажичка чиа семе
- 1 лажица сончоглед
- 1 лажица интегрален сусам
- 1 лажичка ленено семе
- 1 лажица семки од тиква.
Подготовката на куглофот прочитајте ја тука.
Домашни интегрални грицки
Овие солени залчиња ќе ви овозможат вкусна закуска каде и да сте кога и што ќе посакате. Ние ќе ви дадеме идеја, а вие по желба можете да додавате или заменувате состојки, соодветно на вашиот вкус и креативноста во кујната.
Состојки:
- 1 шолја овесни снегулки
- 2-3 грста штавеј, спанаќ, блитва или друг зеленчук по желба
- 1/2 до 1 лажица сол (по вкус)
- 100-150 гр сирење (по желба)
- 50 гр лупен сончоглед
- 2-3 лажици ленено семе
- 1 јајце
- 100 гр сусам
- 1/2 ќесичка ким
- 100 г трици
- 1/2 филџан брашно (може да користите бело доколку немате интегрално)
- 1/2 филџан масло
- 300 мл пиво.
Подготовката на интегралните грицки прочитајте ја тука.
Препорака од авторот:
Ако ви се допаднаа рецептите, разгледајте ги моите профили каде објавувам испробани рецепти креирани во мојата кујна и заследете ме:
- Instagram:@katerina.shambevska
- Facebook:Katerina Sambevska Spasenovska.
Автор на рецептите: Катерина Шамбевска Спасеновска, @katerina.shambevska.
Ви препорачуваме да прочитате: Солени мафини со спанаќ и сирење.