Креативната Катерина повторно нѐ изненадува со нешто интересно и вкусно! Станува збор за лажен омлет со брокула. Сигурно ќе се запрашате зошто баш лажен?
Наместо јајца, за подготовка на овој „омлет“ се користи брашно од наут. А тоа е супер предлог за лицата кои имаат алергија на јајца.
Состојки:
- 100 г брашно од наут
- 200 мл млака вода
- 70 г брокула
- 2 млади кромитчиња (само белиот дел)
- 2 лажици маслиново масло
- 1 лажица пармезан
- по потреба сол и мелен црн пипер.
Подготовка:
- Во длабок сад ставете го просеаното брашно, водата и 1 лажица маслиново масло.
- Мешајте со жица додека добиете убава смеса без грутчиња.
- Покријте го садот со најлонска фолија и оставете да отстои 1 час на собна температура.
- Во меѓувреме исечете ја брокулата на помали цветчиња и ставете ја да се вари во зовриена солена вода. Варете ја 7 минути. Извадете ја од водата и убаво исцедете ја.
- Кромидот ситно исечкајте го.
- Во садот со брашното од наут, додајте ги брокулата, кромидот и пармезанот.
- Посолете, наросете мелен црн пипер и убаво измешајте со лажица.
- Во нелеплива тава ставете 1 полна лажица маслиново масло да се загрее.
- Во тавата додајте ја смесата и пржете на тивок оган по 10 минути од двете страни.
- Кога ќе се испржи од едната страна, поклопете ја тавата со чинија која е со помал дијаметар од тавата и превртете.
- Вратете го омлетот во тавата за да се испржи и од другата страна.
- Топлиот „омлет“ со брокула послужете со сирење, домати или некоја друга свежа салата. На здравје!
Рецептот го испратил: Катерина Милошевска Глигороска.
Ви предлагаме да прочитате: Пита омлет со брашно од наут и тиквичка.