Посен куглоф со ореви и бело чоколадо - од кујната на Марија Кочовска • Сè за храна

Размислував што вкусно да ви приготвам овој пат! Пролетта, постите и велигденските празници ме инспирираа да направам сладок посен куглоф со ореви. Додадов и брусница, а декорирав со бело чоколадо и јагоди.

Мек и сочен, ароматичен и сладок! Слатко засладување за било кој период од годината! Уште пред да започнеме ќе ви кажам, дуплирајте ги состојките и печете го куглофот во поголем калап, затоа што е превкусен. Направете го и послужете го со топло кафе и добро друштво.

Состојки:

1 чаша шеќер
1 чаша гриз од Жито Лукс
1 ќесичка ванилин шеќер
кора од 1 лимон
1 чаша газиран сок од портокал
½ чаша масло
1 чаша Екстра бело брашно од Жито Лукс
½ ќесичка прашок за печиво
50 г толчени ореви
20 г сечкана брусница.

Состојки за чоколаден прелив:

150 г посно бело чоколадо.

Подготовка:

Во длабок сад се ставаат шеќерот, гризот, ванилинот шеќер и кората од лимон, а потоа се додава сокот. Добро измешаните состојки се оставаат околу 2 часа на собна температура, за да може гризот да набабри.
Во садот се додава маслото и се меша се додека се изедначи.
Брашното се меша со прашокот за печиво. Потоа се додава во садот со гризот и се соединуваат состојките. Во садот се додаваат оревите и брусницата.
Смесата се става во силиконски калап за куглоф. Се пече во загреана рерна на 180 степени за време од 30-40 минути.
Откако ќе се испече, се остава да се излади врз кујнска решетка. Потоа внимателно се вади од калапот.
Чоколадото се растопува на пареа. Куглофот се чоколадира и украсува по желба. Подготовката погледни ја на видеото. На здравје!

Совети плус:

За подготовката може да се користи вода наместо газиран сок од портокал.
Наместо кора од лимон, може да се стави кора од портокал. А наместо брусница може да се додаде суво грозје или друго овошје по избор.
Овој рецепт е дел од колекцијата на брзи рецепти кои ги приготвивме заедно со Жито Лукс. Ви подаруваме книга со рецепти и гриз со секое купување на 2 пакувања Екстра бело брашно. Искористете ја промотивната понуда и уживавајте во празниците!