Протеини кои не се месо, има ли доволно растителни извори 1

Протеини кои не се месо, има ли доволно растителни извори?

Се прашувате ли како да ги задоволам потребите на организмот за протеини, а да не јадам месо секој ден? Има голем број луѓе кои се обожаватели на месо, но има и такви кои не го обожаваат, па овој пат вниманието ќе го посочиме на растителните извори на протеини.

Голем број од нас трагаат по својот најдобар режим на исхрана кој ќе ги обезбеди со енергија во текот на целиот ден и нема да придонесе за зголемување на телесната тежина. Кога станува збор за протеините кои потекнуваат од животинско потекло, обично станува збор за месо, кое е корисно и потребно да се јаде, но мора да се внимава и на останатите хранливи состојки во неговиот состав. Тука посебен акцент треба да се стави на месото кое спаѓа во групата на црвено месо, како што се свинското, говедското, јаглешкото месо, како и месото од дивеч. Ваквото месо, покрај тоа што содржи 28-36 грама протеини,  е одличен извор на витамините од Б групата и есенцијални амино киселини кои се неопходни за организмот. Но, исто така црвеното месо содржи до 50% заситени масти кои се посебно штетни за здравјето на срцето и крвните садови, па препорачаната дневна доза е ограничена на 70-тина грама, или најдобро е да го јадете еднаш до два пати неделно.

Црвеното месо, не е единствен месен извор на протеини, тука се и пилешкото, мисиркиното, месото од риба, полжавите итн. Други извори на протеини се јајцата млечните производи (млеко, сирење, урда), а многу помалку е познато за растителните извори на протеини, кои се посебно интересна категорија и на кои ќе се задржиме во оваа содржина.

Протеини кои не се месо, има ли доволно растителни извори 2

Растителни извори на протеини

Грашок

Може да биде додаден во салати, супи или како прилог на друго јадење, а содржи до 10 грама протеини во количина од 1 шолја. Неговата хранлива вредност е голема, а повеќе за тоа може да прочитате тука.

Путер од кикиритки

Путерот од кикиритки претставува високо протеинска храна која е лесно прилагодлива и може да се јаде во разни комбинации. За замена може да јадење путер од бадеми или индиски ореви, кои исто така имаат задоволителна количина на протеини, а доколку сакате да научите како самите дома може да си подготвите квалитетен путер од кикиритки, кликнете тука за рецептот.

Леќа

Содржи голема количина на протеини кои се лесно сварливи за организмот, а слично како и грашокот може да биде додаден во салати, супи, чорби или како прилог. За нејзината хранлива вредност подетално може да прочитате тука.

Киноа

Киноата е деликатно зрнесто растение кое може да се користи наместо ориз, а во својот состав содржи до 14 грама протеини во 100 грама сурова киноа. Одлична житарка која не содржи глутен и има висока хранлива вредност.

Сончогледово семе

Сончогледот е одлична ужинка, а само ¼ шолја обезбедува 6 грама од дневните потреби за протеини.

Семки од тиква

Богати со протеини, а може да ги консумирате секогаш и секаде. Се јадат засебно, а супер се вклопуваат во појадок со млеко, јогурт, во домашни лепчиња. Го регулираат холестеролот и уште некои состојби во организмот, погледнете за што станува збор.

Авокадо

Авокадото е богато со висока содржина на витамин Ц, железо, здрави масти и содржи многу протеини. Составот на авокадото е таков што го намалува чувството на глад и дава чувство на ситост.

Останати намирници кои се богати со растителни протеини во својот состав се:

Ви предлагаме да го пробате протеинскиот оброк без месо, кој се приготвува од сладок компир, спанаќ и грав.

Сподели: