Започни го денот со чаша здравје! Направи си вкусно смути со праски и банана. Сезоната на праските е во полн ек, па ги искористив за да направам хранливо смути – богато со растителни влакна и протеини. Дава ситост, енергија и е одлично за почеток на денот. Може да се направи со млеко или растиелно млеко по избор, а како и да го направиш, вкусот е фантастично добар.
Природно, домашно и превкусно! Совршенство во чаша само за 5 минути! Ако си за неодоливо вкусен милкшејк од банана и јагоди ти препорачувам да пробаш во првата прилика! Ти нудам избор да го прочиташ рецептот или да го погледнеш на видеото тука!- вели Катерина Шамбевска Спасеновска уредник и фудблогер од нашиот тим.
Превкусен летен десерт! Здрави вафли со сладолед кои ни ги подготви нашата пријателка и драга читателка Анжелика! Ваквиот тип на десерти можеби не се преблаги, но се совршена замена за сите калорични торти полни со шеќер, а посебно ако пробувате да намалите телесна тежина или пак сакате да ја одржите онаа која ја имате. Може да сервирате со парчиња овошје за поголемо уживање во вкусот.
Се радуваме кога ве инспирираме и мотивираме да ги направите најубавите десерти! – Нашата читателка Ирена ја подготви превкусната посна овошна торта без печење и нѐ покани на дегустација. Инспирирана од рецептот за посни колачи во чаша на Марија од нашиот тим, направи комбинација со тропско овошје – ананас и банана.
За сите љубители на популарниот банана леб имаме нов рецепт кој сигурно ќе ве израдува. Приготвен во кујната на Сѐ за храна, овој рецепт претставува совршен спој на слатка банана и крцкави кикиритки со изразена овошна нота на портокал. Мек, сочен и на места крцкав од кикиритките, ќе ве воодушеви со својот богат вкус. Супер вкусен десерт кој мора да го пробате во првата прилика штом имате зрели и потемнети банани, кои не знаете за што да ги искористите.
