Нема човек кој не обожава наутро со утринското кафе да си намачка и лепче со вкусен намаз. Ние имаме еден навистина интересен предлог за посен чоколаден намаз со путер од кикиритки, банана и урми, кој не само што е кремаст и вкусен, туку е и многу хранлив. А, најдоброто од се е што овој намаз е и посен, па супер ќе им дојде на сите оние кои постат. Испробано во нашата кујна, многу вкусно!
За сите љубители на здрави и брзи рецепти! Уживајте во вкусот на јагодите, преку целата година. Со голема љубов ви приготвивме уште еден здрав рецепт за брзи овошни колачиња без шеќер. Само 5 минути ве делат од овошното засладување. Овие мали слатки колачиња, не содржат шеќер и глутен. Изобилуваат со витамини и минерали, имаат низок гликемиски индекс и го намалуваат чувството на глад.
Имаме нов рецепт! Со оглед на тоа што сезоната на лубениците започна, време е и ние да започнеме со експериментирање во кујната и подготовка на интересни рецепти. Ако сте љубители на смуди, тогаш издвојте малку време и пробајте нешто ново. Ви предлагаме несекојдневен рецепт за смуди со лубеница и банана, кое е вистинско освежување во летните денови.
Лимонот и бананата се здрави и вкусни овошја, па нутриционистите препорачуваат да се често застапени во нашата исхрана. Обично е најдобро да ги консумираме во свежа состојба, но со нивна помош може да направиме и разни други нешта. На пример, дали сте знаеле дека може да ја искористите и кората од лимоните и бананите? Еве на кои начини!
Има ли такви кои бесконечно долго можат да се одречат од слатката храна!? Сигурни сме дека не! Секако, со волја и желба секој од нас може да го направи тоа за извесен период, но долготрајното добро здравје во текот на животот, подразбира здрав животен стил на долг рок. Па, со цел да овозможиме тоа да биде полесно, ви предлагаме да го пробате нашиот рецепт за здрави палачинки од банана, кои се прават за само 5 минути и се без шеќер, без глутен и без лактоза.
Нема поубав начин да се започне денот од појадок со вкусни мафини! Многумина ги избегнуваат слатките десерти, плашејќи се дека содржат многу калории, но ние имаме добра вест за сите! Креиравме рецепт за нискокалорични мафини без шеќер приготвени со интегрално брашно. Ги пробавме, одлични се, за дома и за да ги понесете за секаде.
Верувајте дека ни приближно не можете да претпоставите колку им е добар вкусот на нашите палачинки во форма на срце! Ги направивме со многу внимание и тоа по повод празникот на љубовта, па не случајно формата е во вид на срце. Меки се и воздушести, неодоливо ароматични. Што и да ви кажеме малку е, ќе знаете само ако ги направите и самите. Топло препорачуваме да ги пробате.