Популарниот леб со банани и чоколадо – колач започна да се приготвува и кај нас. На Инстаграм може да се најдат повеќе креативни профили на млади девојки и момци кои се трудат светските трендови во готвењето да ги донесат и кај нас. Затоа, одлучивме да ги вклучиме најдобрите македонски фуд блогери од Инстаграм и да ги презентираме вкусните рецепти кои ги приготвуваат.
Најдобрите идеи се „раѓаат“ кога на креативноста и е дадена слобода и време! Така, припремајќи се за убава прошетка и размислувајќи што вкусно и здраво да понесеме со себе, во нашата кујна создадовме рецепт за безглутенска солена торта со урда и зеленчук! Ние ја јадевме за појадок, а за да го надополниме уживањето купивме и јогурт. Одлично и испробано трајно за носење и преку цел ден, препорачуваме да пробате!
Ако сакате да направите леб кој е необичен и исклучително здрав, го читате вистинскиот рецепт. Нашата пријателка Елена, која е нутриционист, несебично го сподели својот рецепт за домашен безглутенски протеински леб кој освен што изобилува со хранливи состојки, има низок гликемиски индекс! Згора на сѐ, се подготвува без месење, едноставно совршен!
Има голем број луѓе кои страдаат од интолеранција на глутен и се соочуваат со здравствени проблеми, а има и такви кои сакаат да го подобрат квалитетот на живот или се обидуваат да ги следат најновите трендови на храната. Така, од повеќе причини, а пред се, да им помогнеме на оние кои им е најпотребно повелете повеќе рецепти за брзи пити без глутен на едно место.
Многу често луѓето го сместуваат во категоријата на житарици поради неговиот нутритивен профил, а уште една важна карактеристика за ова растение е тоа што не содржи глутен и што е безбеден за употреба од страна на лицата со целијакија. Во продолжение прочитајте за здравствените придобивки од употребата на амарант во вашата исхрана.
За просото знаеме дека кај нас се користи како храна за папагали, но дали знаевте дека се почесто се употребува во исхраната на луѓето? Освен тоа што е намирница богата со витамини и минерали, просото е уште една житарка која не содржи глутен и која безбедно може да ја употребуваат лица на безглутенска исхрана. Токму оваа особина на просото му донесе голема популарност.
Кога ќе ги прочитате состојките, ќе знаете дека е фантастичен за хранлив и енергичен почеток на денот! Рецептов за здрав пудинг со чиа семе, ванила и цимет, а без шеќер е одлична сугестија за вкусна здрава промена во секојдневната исхрана. Се прави прилично лесно, што е особина која скоро секој ја посакува, брзо да се прави и да биде вкусно.
Извонредното просо е безглутенска житарка која нé обезбедува со многу нутриенти, а притоа има и сладок и пријатен вкус. Уште една важна и одлична карактеристика на просото е тоа што за разлика од другите житарки кои го закиселуваат организмот, тоа има спротивен ефект и го алкализира нашиот организам.
Не пропуштајте да го пробате нашиот несекојдневен рецепт за брза пита со праз! Здраво и вкусно јадење кое може да го уживаат и оние кои се интолерантни на глутен, а исто така и сите кои внимаваат на својата линија и телесното здравје. Директно од нашата кујна, навистина лесно и уште повеќе брзо за подготовка!
Специјално за сите обожаватели на здрави оброци, припремивме за вас уште еден рецепт за вкусна проја со моркови и ленено семе. Слично како и претходно објавените рецепти за здрава проја со блитва и здрава проја со семиња не содржи глутен, и погодна е за сите кои внимаваат на телесната тежина да биде во рамките на нормала.
Ако сте трагач по витка линија или едноставно посакувате одлично здравје за себе, ви нудиме рецепт кој е нискокалоричен, а ќе ве заслади и здраво ќе ве нахрани. Овој прекрасен колач од тиква доаѓа од нашата кујна и специјално го креиравме без шеќер и без глутен за да може да го проба секој кој ќе посака и секој кој се грижи за своето здравје.