Речиси и да нема човек кој не знае дека лукот има голем број на здравствени придобивки. Истото е и со лутата пиперка. А, кога овие две намирници ќе се спојат, силно здравје е загарантиран резултат. Како да ги искомбинирате за максимално уживање, освен искористување на бенефитите? – Макало од лук и лут буковец е вистинскиот избор!
Во пресрет на пролетта и во тек на Велигденските пости, се инспириравме да направиме одличен нов рецепт посни ржани грицки со ким и лут буковец во нашата кујна! Состојките се лесно достапни и евтини, па ова е одлична можност за да го израдуваме семејството со домашни здрави залчиња кои неодоливо крцкаат!
Домашните солени стапчиња се највкусни, лесно се прават и сигурно целото семејство ќе се израдува доколку ги направите. А послужени со вкусен сос се идеални како мезе за пријателите, гледање на филм или некој фудбалски натпревар. Па, токму и така се роди идејата да направиме солени стапчиња со оригано, буковец и копар. Овие зачини ги набавивме од Рајска градина и ни беа инспирација да приготвиме нешто интересно.