Кај има поубаво од вкусот на домашните традиционални јадења? Се сложувате ли со нас? – Ве потсетуваме на едно јадење кое потсетува на љубовта и грижата од мајките и бабите. На Инстаграм профилот на Сика, најдовме проверено вкусно макало од сушени пиперки и компири. Нашата семејна традиција е многу слична со онаа на нашите пријатели од Сика, па со задоволство го споделуваме овој супер вкусен и посен рецепт.
Домашно и совршено! Прелистувајќи ја нашата веб страна, наидовме на рецептите за тако и забележавме дека зачините се важен дел од постапката за најдобро домашно тако. Малку истражувавме и пронајдовме рецепт како сами да ја направиме посебната мешавина од зачини за вкусно тако, која е наменета за подготовка на тортиљи и други мексикански специјалитети.
Речиси и да не постои човек кој може да му одолее на вкусното и крцкаво похувано пилешко, меѓутоа ретко кој од нас знае да го погоди кога го подготвува дома. Па затоа, често кога одиме во ресторан и го нарачуваме, му се восхитуваме на прекрасниот вкус и крцкавата текстура. А, како би реагирале кога би ви кажале дека отсега ќе може да уживате во ова задоволство и дома? Ви нудиме еден супер, брз рецепт за крцкаво похувано пилешко кое се подготвува многу лесно и едноставно.
