Домашен безглутенски протеински леб со низок гликемиски индекс 1

Домашен безглутенски протеински леб со низок гликемиски индекс

Ако сакате да направите леб кој е необичен и исклучително здрав, го читате вистинскиот рецепт. Нашата пријателка Елена, која е нутриционист, несебично го сподели својот рецепт за домашен безглутенски протеински леб кој освен што изобилува со хранливи состојки, има низок гликемиски индекс! Згора на сѐ, се подготвува без месење, едноставно совршен!

Што е гликемичен индекс и како влијае на телесната тежина?

Лицата коишто патат од дијабетес сигурно имаат слушнато за гликемичен индекс, а можеби и делумно се запознати со значењето на овој израз. Сепак дури и ако не го знаете точното значење на овој индекс, или првпат наидувате на овој поим, самото име „гликемичен индекс“, ни дава до знаење дека станува збор за нешто поврзано со гликемијата т.е. со нивото на шеќер во крвта. А штом се зборува за ниво на шеќер во крвта тогаш сигурно има некоја врска и со шеќерите кои се наоѓаат во храната. Доколку не ви е сосема јасно значењето на овој поим, тогаш ви предложуваме да го прочитате текстот што следува.