Денес, најголем број од болните лица во светот припаѓаат на групата со кардиоваскуларни болести, а тоа се должи на широк дијапазон на фактори. Еден важен од нив е неправилната исхрана. Токму затоа и колку да изгледа познато и јасно, ќе посветиме малку време на темата и ќе ви прикажеме кои намирници се ефикасен „лек“ за крвните садови и може да помогнат во спречувањето посериозните заболувања.
Атеросклерозата е болест во која има наталожување на масни наслаги на крвните садови во нашето тело. Овие наслаги го стеснуваат пречникот на крвните садови и со тоа оневозможуваат правилен доток на крв до сите ткива и органи. Доколку наслагите се многу големи, т.е пречникот на крвниот сад е многу стеснет тоа може да доведе до сериозни последици по нашето здравје и во краен случај до срцев удар.
Здраво срце и крвни садови се гаранција за што подолг, но и што поквалитетен живот. Покрај препораките за редовна и умерена физичка активност, наоѓањето начини за справување со стресот и намалување на неговото влијание, исхраната е еден од клучните фактори за го зачувате здравјето на вашиот кардиоваскуларен систем и навреме да ги заштитите вашето срце и крвни садови.