Ова слатко можам да го фотографирам до бесвест, каква убавина е! – вели Весна. Преубаво ни изгледа и нас, за очи и за вкусните сетила! Претходно го споделивме рецептот за слатко направено со свежи ливчиња, а во оваа прилика ви посочуваме дека може да си направите и домашно слатко од сушени трендафили со  уште подобар вкус кој долго се памети.

Кулинарската ризница сега ни е побогата со нешто уникатно, а ние пресреќни! Провидно на лик, а боите се прелеваат. Вакво слатко од трендафили не е лесно или скоро да не може да се најде, освен ако не си направиме дома. А за рецептот, искрено и големо благодарам до Весна, која нѐ  учи на традицијата и споделува вистинско богатство со нас во секоја можна прилика!