„Многу често денот ми почнува со ваков појадок, а она што се менува е најчесто овошјето, кое преферирам да е сезонско. Ако сакате да следите здрав животен стил и да стекнувате нови корисни навики, ви предлагам да ја пробате мојата супер комбинација за убав енергичен ден. Вака приготвен овошен јогурт со овес и чиа, е одличен и соодветен за целото семејство!“- вели Катерина Шамбевска Спасеновска од нашиот тим, која ja ни направи и мала фотосесија од појадокот.
Со променливото време и пониските температури стартова и сезоната на настинките. А, силниот имунитет е најдобрата бариера против секој вирус, вклучувајќи го и новиот коронавирус. Па, сигурно се прашувате што треба да направите за да го зајакнете имунитетот и да бидете поотпорни на вируси и бактерии? – Здравата исхрана е прв сојузник на имунитетот. Секојдневно треба да внесуваме намирници што се богати со витамини и минерали кои имаат корисен ефект врз имунолошкиот систем. Во продолжение ви откриваме супер рецепт кој ќе ви го зајакне имунитетот. Вкусна и здрава чорба со печурки, спанаќ и овес, која ја најдовме на Инстаграм блогот на нашата пријателка и нутриционист Симона.
Овие брзи посни бомбици со кокос се идеални кога ви се јаде нешто благо, а сакате да е здраво и да не губите многу време за подготовка, ниту да валкате садови. Нашиов рецепт ќе ве освои! – Ем ќе имате вкусен десерт кога и да посакате, ем кујната ќе ви биде чиста, а што е најважно, телото ќе ви биде благодарно за прекрасната енергија која се должи на избраните состојки!
За сите љубители на лесен појадок, овие воздушести палачинки од белки и овес се одличен избор. Истите може да ги послужите како сладок појадок или пак попладневна ужина. Рецептот ни доаѓа од кујната на Лана и веќе знаете дека сигурно ќе ве воодушеви. Сите нејзини рецепти се вистинско уживање. На вас останува само да си ги направите и да му се препуштите на едно неверојатно гурманско искуство кое ги задоволува сите сетила.
Иако, во минатото овесот се користел најчесто како сточна храна, денес како резултат на бројни и долгогодишни студии се дојде до заклучок дека тој е одличен извор на важни нутриенти кои се неопходни за човековото здравје. Па така, денс не само што тој нашироко се употребува во човечката исхрана, туку често пати се користи и како лек. Тоа не е ни малку чудно кога ќе се земе во предвид дека вкусниот појадок од овес содржи изобилство од минерали и витамини како јод, хлор, фосфор, натриум, силициум, железо, магнезиум, калиум, манган, цинк, бакар, наицин, биотин и многу други витамини.
Кинезите знаеле за овесот дури и пред илјадници години, а го користеле и старите Римјани уште во античките времиња. Тие уште од тогаш знаеле што е добро, а мора да признаеме и ние исто. Па, истражувавме и откривме многу причини зошто да си набавите овес во зрно и да го вметнете во секојдневната исхрана.
Имаме супер предлог за здрав појадок кој ќе ги направи утрата уште подобри! Направете си кремасто смути со јаболко и банана. Изобилува со растителни протеини, растителни влакна кои се важни за добар метаболизам, како и здрави масти. Не содржи шеќер, а ќе ја подигне вашата енергија и расположение. Совршено вкусно за секој од нас!
Постојано се трудиме да креираме нови и здрави рецепти за десерти, кои многу ги обожаваме. Токму во една прилика кога на гости ни се најавија мали пријателчиња кои обожаваат благо, решивме да направиме нешто здрави и да ги почестиме. Така се роди идејата за овој рецепт за здрави бомбици со тиква, овес и мак кои се прават без шеќер.
Ако и вие се борите со килограмите, сакате да намалите телесна тежина или едноставно вашиот организам не поднесува одредени состојки од храната, па имате здравствени проблеми, време е да го пробате нашиот здрав појадок без глутен и лактоза. Толку едноставен и брз, а супер вкусен и нутритивно квалитетен!
Не постои таков човек кој не ужива во слатките вкусови, а многумина од нас внимаваат на телесната тежина! Така, кога сакате да се засладите без да чувствувате „грижа на совест“, побарајте го овој рецепт кој го креиравме во нашата кујна. Исклучително вкусни, полни со хранливи состојки и многу лесни за подготовка. Без двоумење ви препорачуваме да ги пробате енергетските чоколадни бомбици со кокос и овес!
Акните најчесто се јавуваат во време на пубертетот, но многу возрасни се соочуваат со овој проблем, кој предизвикува оштетување и лузни на кожата. Една од најчестите причини за појава на акни се жлездите произведуваат масна течност, позната како себум, кој проаѓа низ мртвите клетки на кожата врз нејзината површина. Транспортот на себумот се прави низ фоликулите, а понекогаш тоа предизвикува нивно блокирање и акумулација на масната течност под кожата. Тоа доведува до насобирање на бактерии кои доведуваат до појава на акни.