Егземата претставува промена на кожата која предизвикува воспаление, црвенило, чешање… Најчесто се јавува кај новороденчињата и малите деца, а нешто помалку кај возрасните. Нејзиното третирање може да биде лесно ако се открие навреме. Штом забележите некој симптом кој асоцира на егзема, посетете лекар. А, еве и неколку совети кои ќе ви бидат од помош при третман на егзема.
На секој родител му е важно здравјето на неговото дете. А бидејќи, за постигнување и одржување на силен имунитет кај децата, важна улога игра исхраната, односно изборот на храна која го подобрува нивното здравје, направивме истражување поврзано токму со тоа. Ако не знаете што да им дадете за појадок или вечера, а тоа да биде нешто здраво и вкусно, еве кои 8 намирници може да бидат од корист.
Периодов, бактериските инфекции земаат замав, па многу луѓе не се поштедени и се нападнати од лошите бактерии. По препорака на доктор, кога пациентот има бактериска инфекција, се дава терапија со антибиотици и пробиотици. Дополнително, пандемијата со COVID-19 ја влошува состојбата, го намалува имунитетот кај пациентите, а тоа доведува до дополнителни компликации и појава на бактериски инфекции. Зошто се потребни пробиотиците при терапија со антибиотик, дознаваме од разговорот со Д-р Нела Деспотовска.
Дигестивните проблеми се честа појава кај малите деца. Тие се особено изразени во летниот период кога не внесуваат доволно течности, играат надвор и ги валкаат рацете. Лесно расипливата храна исто така може да предизвика дигестивни непријатности. Ви откриваме кои се најчестите стомачни проблеми кај децата и што може да помогне во надминување на непријатната состојба.
Кога ќе се спомнат пробиотиците, први мисли кои ни паѓаат на памет се јогурт и подобра дигестија. Но, јогуртот не е единствената храна во која може да ги пронајдете, а нивните здравствени ефекти се многубројни. Во текстот што следува, ви претставуваме 5 здравствени придобивки од пробиотиците кои вреди секој да ги знае.
Helicobacter pylori (H. pylori) е бактерија која е одговорна за повеќето улцери (чирови) и воспаленија на желудникот (хроничен гастритис). Бактеријата може да го ослаби заштитниот слој на желудникот, при што дигестивните сокови ја иритираат осетливата внатрешна површина на желудникот. Така, ако сте во потрага по решение за проблемот со Хеликобактер пилори, консумирајте пробиотици. Тие припаѓаат во групата на препорачани природни начини кои може да ви помогнат во отстранување на проблемот. Токму на оваа тема позборуваваме со Д-р Нела Деспотовска. Во текстот таа ни открива зошто се препорачуваат пробиотици против Helicobacter pylori.
Пробиотиците се корисни за човечкиот организам поради многу причини. Тие ја подобруваат дигестијата на храната, ја прават кожата чиста и блескава, даваат енергија и го зајакнуваат имунолошкиот систем. И што е најважно, има многу природни намирници кои се богати со пробиотици, покрај нив изобилуваат и со витамини и минерали.
Кажете „стоп“ за стареењето и „да“ за младоста! Изберете храна која го продолжува животот. Сте за запрашале ли дали тоа е возможно? Некои експерти сметаат дека потрагата по вечна младост може да ве одведе до овошјето, зеленчукот, зелениот чај и другата храна која е богата со антиоксиданси и состојки кои потенцијално може да го забават процесот на стареење и да го продолжат животот. Па, ајде да започнеме!
Не е тешко, само треба да се знае како. За време на патувањата е многу лесно да се заборави на зачувувањето на нормалниот ритам и баланс на дигестивниот систем, а и на целиот организам. Во брзањето да се „стигне“ авионот или било кој друг превоз, скоро без исклучок, сите посегнуваме по брза или пакувана храна. И тоа е во ред и не е чудно, но притоа не треба да заборавиме на некои основни препораки. Имајќи предвид дека секој од нас повремено се наоѓа во таква ситуација, истражувавме кои се најдобрите начини за справување со непријатностите во стомакот. Еве што откривме на темата како да го одржите здравјето на стомакот за време на патување.
Патувањето ни овозможува да истражуваме други култури, да посетуваме историски значајни места, да одмораме покрај плажа и сенка… Но, патувањето не подразбира само качување во авион и започнување на авантурата. Новите континенти и земји имаат свои предизвици кои не се „пријателски расположени“ кон стомакот. Затоа, тука се добрите пробиотици кои треба да бидат задолжителен дел од летниот одмор.
Јогуртот се смета за супер храна. Традиционалниот пробиотски јогурт кој е направен со додаток на корисни пробиотици, претставува балансиран извор на протеини, масти, јаглени хидрати, витамини и минерали. Се верува дека ферментирањето на млечните производи датира од пред околу 6000 години, од централна Азија, како начин да се зачува и искористи млекото. Историските податоци покажуваат дека за кратко време, јогуртот бил многу посакуван и користен и во Индија, Персија и Турција. Па, да видиме подетално кои се докажаните здравствени придобивки од функционалниот јогурт.
