Кулинарската ризница сега ни е побогата со нешто уникатно, а ние пресреќни! Провидно на лик, а боите се прелеваат. Вакво слатко од трендафили не е лесно или скоро да не може да се најде, освен ако не си направиме дома. А за рецептот, искрено и големо благодарам до Весна, која нѐ учи на традицијата и споделува вистинско богатство со нас во секоја можна прилика!
Ако ви досадило да јадете месо секојдневно, а не знаете што вкусно и посно да си подготвите, ви предлагаме еден рецепт за макало од праз и пиперки, кој сосем случајно го испробавме во нашата кујна и прерасна во еден од омилените посни рецепти. Вкусот е многу добар, топло препорачуваме да го пробате!
Ставањето на свежи намирници во фрижидер е навика, бидејќи сите мислат дека тие таму ќе останат подолго свежи, но тоа не е секогаш најдобро. Проблемот настанува кога фрижидерот е преполн со намирници, како што е овошјето и производи кои во себе содржат висок процент на вода. Наш совет е некои производи, а често пати тоа се некакви овошја и зеленчуци, да ги чувате надвор од него, на собна темперетура.
Скоро за секој готвач, па и секоја домаќинка, зачувувањето на свежината на зелените зачини е предизвик. Кога веќе имаме во план да ги користиме за да ни го разубават јадењето и да му дадат посебна арома, добро е да знаеме како да им ја одржиме свежината откако ќе ги набавиме од пазар или маркет и ќе ги донесеме дома.
Лимоните наоѓаат голема примена во подготовката на јадења, од салати до риби и десерти. Но, често се случува да немаме достапни свежи лимони при рака, понекогаш тие се исушени, при што е тешко да се исцеди сок или пак за кратко време по купувањето да мувлосаат. Затоа се одлучивме да ги пронајдеме најдобрите совети за чување на лимони подолг временски период, без да се намали нивниот квалитет и да останат сочни до моментот на користење.
Сега може да уживате во свежината на морковите и до 3 месеци после купувањето. Применете ги следните начини на чување и имајте секогаш свежи моркови при рака. Најдобриот трик за да се зачува свежината на морковите е да се минимизира количина на вода која ја губат со текот на чувањето. Морковите кои имаат подебела кора, побавно ја губат влагата и се најдобри за чување на подолг временски период.