„Еден од џемовите кој традиционално се припрема во нашиот дом е џемот од црни сливи. А овој пат решив да пробам да го направам во поздрава варијанта и наместо шеќер, ставив мед. Вкусот на овој џем од црни сливи и мед е многу подобар во споредба со џемот направен со шеќер, па ви предлагам и вие да го пробате овој рецепт.
За црните сливи се вели дека се вистински природни мултивитамини кои го штитат здравјето и го подобруваат варењето на храната. Свежите и сочни црни сливи се ниско калорични овошки – само 46 калории во 100 грама, а се богати со витамини и минерали кои го подобруваат здравјето. Тие содржат растителните влакна, сорбитол и исатин кои се познати како помагачи и регулатори на работата на дигестивниот систем, а со тоа превенираат појава на запек.
