Може да се каже дека десертите се омилениот дел од големите собиранки со семејството, посетите кај пријателите, кафе дружбите и убавото засладување за време на филмските вечери дома. Секогаш и секаде, најголемиот дел од нас се расположени за добар и вкусен сладок момент на уживање! А ние, љубопитни, моравме да истражиме што побудило најголем интерес и еве кои се најчитаните десерти во изминатата година!
За правењето на овој колач најважно е да се придржувате до дадените инструкции за негова подготовка . Во тој случај ќе бидете сигурни дека колачот ќе биде совршен и нема залудно да ги потрошите состојките и времето. А, речиси сите состојки сигурно веќе ги имате во кујната дома, па потребно е да издвоите само малку време и да им приготвите вкусен чудо колач на вашите најблиски.
Кралско засладување кое го освои сечиј вкус! Пробајте ја нашата непечена Шарлота торта приготвена со ролатите од Vincinni. Толку лесна, неодоливо сочна во вкусот и неверојатно лична. Ги заслужи сите овие пофалби, верувајте. Убава беше уште првиот ден кога ја направивме и пробавме, а уште посочна наредниот ден. Полн погодок во секоја смисла, им се допадна на сите кои ги почестивме, што нас ни причина големо задоволство.
Уживавме и тоа како во светот на вкусовите! Си направивме многу симпатична торта и ја комбиниравме со горко црно кафе. Неизбежно беше да се фотографира и да се пренесе вкусното задоволство, па ве покануваме да ја пробате и вие во вашите домови. Инспирацијата ја најдовме во новите Фрути јафа кекси од праска и приготвивме фантастично добра, вкусна и брза торта! Овој десерт може да го направи секој, а нема да ви одземе ни еден час.
Време е да пробаме од најдобрите македонски бонбони во нова варијанта! Летото е тука и сѐ потсетува на сонце и плажа, а желбата за слатки нешта во боите и мирисот на летото нѐ изостанува. Така се инспириравме и ја креиравме нашата Атлантис торта, која наликува на слатка морска идила! Неодоливо добра на вкус и погодна за секакви пригоди, од домашни до свечени. Не пропуштајте да ја пробате!
Летото е совршено за брзи, лесни и освежителни овошни десерти. И, иако на сите во лето омилен десерт ни е сладоледот, некогаш за промена можеме да направиме и по некоја овошна торта. Сигурно никој нема да има приговор доколку вкусна и свежа. Благодарение на Лана, денес споделуваме со вас баш таков рецепт за кремаста торта со малини, која има крцкава кора, а внатре е исполнета со вкусен кремаст сладолед од малини. Совршена комбинација за летно освежување!
Дали ви се верува дека може да ја направите оваа убава велигденска „зајко“ торта и тоа без печење? Да, баш така. Лесно ќе може да направите совршена и вкусна торта за велигденските празници! Овој пат инспирација ни беа производите од Vincinni, Сончева долина и Натура. Си набавивме убава кошничка со производи и го прифативме овој интересен предизвик. Па, за да ви ја олесниме подготовката ќе ви кажаме подетално кои производи ги користевме, а сите чекори ви ги прикажуваме преку фотографии.
Уште еден традиционален и превкусен рецепт кој почесто се прави во зимскиот период! Драги читатели, можеби вашите баби или мајки приготвувале питулици, кои претставуваат печени кори направени од брашно, вода и малку сол. Питулиците се посни и традиционално се прават за Бадник, но може да ги направите во било кое време. Може да ги послужите со сирење, мармалад или друг фил по желба. Освен тоа, добра идеја е да ја направите и оваа потпечена солена торта со питулици и сирење.
