Категоријата „направи сам“ е една од поинтересните предизвици за нас! Ни пружа можност со вас да споделуваме домашни и природни лекови, народна помош, трикови и разни декорации за домот, разни нешта кои може да ги направите сами за себе и за своите сакани, наместо да ги набавуваме готови или да ги нарачуваме од други луѓе. Така, во овој текст ги издвоивме трите најчитани „направи сам“ содржини во 2018-та година, од сите кои ги споделивме во текот на изминатата година.
Ние ги обожаваме идеите кога од ништо можеме да направиме нешто. Денес имаме баш таква идеја за чија реализација ви е потребно само едно пластично шише. А летото е идеален период кој може да го искористите за забава со вашите деца. Доколку не сте во можност оваа година да си дозволите одмор, оваа прскалка за трева од пластично шише може да ви биде од голема помош.
Наместо да купувате вештачка трева, за време на Велигденските празници разубавете го домот со пченична трева. Претходно објавивме неколку начини за засадување на пченица со помош на земја, а некои наши читателки ни кажаа дека може да искористиме и памук. Постапката за засадување на пченица со помош на памук е прикажана во текстот кој следува.
Пченичната трева е одлична за декорација за велигденските празници. Но, дали знаете дека поседува многу лековити својства и може да се користи за подготовка на смути и сок? Без разликата за која намена сакате да ја засадите, одберете еден од понудените начини и следете ги дополнителните совети за успешно засадување на пченична трева.
„Широко достапната Иванова трева (Galium verum) со векови се користела за правење на ливадски венчиња, а традиционално е позната како растение кое лечи бројни заболувања на внатрешните органи и кожата. Обично ја берам крајот на јуни или почетокот на јули. И самото нејзино име кажува дека треба да се бере во деновите блиски до Иванден. Па, токму сега е периодот да ја споделам оваа корисна информација!“- вели Катерина Шамбевска Спасеновска од нашиот тим, која е љубител на природата и нејзините богатства кои се во корист на здравјето.
Хомер во познатата Илијада, споменува дека легендарниот воин Ахил користел ајдучка трева (Achillea millefolium) за лекување на раните на неговата војска. Индијанците ја користеле за лекување на крварења, рани и инфекции, а според Ајуверда и Кинеската медицина, ајдучката трева позитивно влијае врз работата на слезината, црниот дроб, бубрезите и уринарниот тракт.