Вкусни, здрави, богати со витамини и минерали! Вака можеме да ги опишеме печурките кои се исклучително хранлива намирница. Тие се користат како храна и лек илјадници години наназад. Изобилуваат со корисни состојки за организмот, па препорачуваме често да се најдат на вашето мени. А дали знаете како правилно да изберете свежи и маринирани печурки, како да ги чувате за да го зачувате нивниот квалитет? И што е најважно, ви откриваме и неколку важни совети за подготовка на печурките, со кои ќе станете вистински експерт за вкусни јадења!
Една англиска изрека вели дека ако јадете барем едно јаболко на ден, доктор нема да ви е потребен. Во оваа изрека има голема вистина. Без разлика дали ќе одберете зелено, црвено или жолто јаболко, телото ќе ви биде благодарно за секое залаче кое што ќе го изедете. Затоа погрижете се добро да ги складирате јаболката за да ви потраат што подолго во текот на зимата. А ние сме тука да ви кажеме кои се најдобрите начини за чување на јаболка.
Маслиновото масло е здрава намирница која е ценета заради фантастичниот вкус и квалитет, па секогаш треба да го имате при рака! Ни беше инспирација за тематско истражување и препорачуваме да прочитате што подетално дознавме. Независно дали ќе го користите во исхраната или за нега на вашата кожа и коса, треба да знаете како да го изберете за да биде со најдобар квалитет, па да може да го даде својот максимум за вас. За специфичното и доста осетливо маслиново масло, исто така треба да знаеме правилно да го чуваме за да не се расипи и да го извлечеме најдоброто од него. Како што забележувате, има многу информации кои може да се корисни за сите нас, па да започнеме со дел од нив!
Труењето со храна е често во текот на летото, затоа што тропските горештини придонесуваат зголемен развој на микроорганизмите и побрзо расипување на намирниците. Најважна работа која секој од нас може да ја практикува, со цел да спречи труење со храна е правилната хигиена при чување, приготување и служење на јадењата.
Правилното чување на храната во фрижидерот е во големо значање, за да се продолжи рокот на употреба, но и да се зачуваат хранливите состојки. Едно од најважните правила кое треба да го применувате е лесно и едноставно. Приготвената храна чувајте ја во садови со капак, за да се заштити од сувиот воздух во фрижидерот. На овој начин, се спречува преносот на бактериите и мирисите, а се зачувува хранливиот состав на храната.
Лимоните наоѓаат голема примена во подготовката на јадења, од салати до риби и десерти. Но, често се случува да немаме достапни свежи лимони при рака, понекогаш тие се исушени, при што е тешко да се исцеди сок или пак за кратко време по купувањето да мувлосаат. Затоа се одлучивме да ги пронајдеме најдобрите совети за чување на лимони подолг временски период, без да се намали нивниот квалитет и да останат сочни до моментот на користење.
Млекото како намирница наоѓа голема примена и речиси секојдневно се користи во исхраната на луѓето. Тоа е еден од најстарите производи кои човекот ги користи во својата исхрана. Претставува природен извор на голем број витамини и минерали кои се потребни за одржување на добрата здравствена состојба.
Кога станува збор за чување на леб, фрижидерот е вашиот најголем непријател и прави лебот да стане бајат многу поскоро отколку кога се чува на собна температура. Лебот најдобро е да се чува на собна температура ден или два, а ако ви остане повеќе леб може да го завиткате убаво и да го замрзнете за понатамошна употреба. Кога ќе го одмрзнете и затоплите, ќе мириса исто како свежо печен леб.
