Еден од џемовите кој традиционално се припрема во нашите домови е џем од црни сливи. За негова подготовка најдобро е да се користат црни сливи кои се зрели и меки. Ние денес ви претставуваме еден малку поинаков рецепт за џем од црни сливи со чоколадо приготвен во рерна, а многу вкусен за целото семејство.
Сезоната на малите слатки рибизли е во полн ек. Колку се здрави веќе сите знаеме, но за жал некако ги занемаруваме и ретко ги користие. Но, тоа не значи дека од овие црвени бисерчиња не може да направиме превкусни десерти. На блогот од нашата пријателка Лана наидовме на многу рецепти со ова интересно овошје. А денес одлучивме да споделиме со вас рецепт за џем од рибизли кој подоцна може да го искористите за подготовка на најразлични десерти.
На пазарите веќе ги донесоа првите јагоди, па се инспириравме да го споделиме со вас овој навистина здрав и вкусен џем од јагоди со чиа семе. Ова е навистина совршен спој на состојки кои гарантираат уживање на сите сетила. Чиа семето му дава совршена текстура, а јагодите пак превкусна арома. И што е најважно, ова е навистина здрава комбинација, па не треба да се плашите дека ќе претерате со јадење. А, ние ви гарантираме дека кога еднаш ќе го пробате, нема да може да се воздржите да го изедите целиот џем.
Неварените џемови се совршено засладување за топлите денови. За разлика од другите џемови, пократко траат па треба да се чуваат во фрижидер и да се консумираат што побрзо. Со оглед на тоа што започна сезоната на боровинките, ви предлагаме супер рецепт. Направете здрав неварен џем од капинки и боровинки со чиа семе.
