Време е да ја направиме највкусната зимница и во шпајзот да ги наредиме теглите со домашен џем, слатко, мармалад… Убаво е да има од сѐ по малку, за бескрајно уживање во поладните денови. Ако го обожавате џемот од смокви и сакате да си направите дома, еве супер рецепт! Смокви во комбинација со ванила, цимет и рум за совршено уживање во светот на вкусовите!
Мали, крцкави, вкусни и посни! Време е за дегустација на нови посни рецепти од интернационалната кујна. Овие мини тарт колачи со џем ни доаѓат од британската кујна, по рецепт кој со векови се служел за време на познатите паузи за чај. Крцкавото тесто исполнето со вкусен овошен џем ги прави вистинско мало задоволство за сите сетила. Нешто што мора да се проба и доживее!
Совршен спој на чоколадо и вкусен мармалад од кајсии преточени во слатко уживање наречено Захер торта. Овој познат виенски десерт ќе ве освои уште на првиот залак. Па, доколку сте љубители на десерти, топло ви препорачуваме да ја пробате највкусната чоколадна Захер торта и да се препуштите на слаткото уживање на сите сетила.
Популарните белгиски вафли на многумина им се омилен појадок благодарение на тоа што имаат крцкава и мека кора, а воздушеста внатрешност. Совршено одговараат со различни слатки преливи, мед, мармалад, џем, чоколадо, парчиња свежо или замрзнато овошје. Во комбинација со вашиот омилен мармалад и чаша кафе или чај ќе добиете вистински деликатес на кој никој не може да му одолее. Со овој рецепт сигурни сме дека со нетрпение ќе чекате да се разбудите и да појадувате!
Кој може да одолее на вкусна, крцкава и ароматична пита со џем од јагоди? Кростатата е наша омилена италијанска слатка пита. Имавме можност да ја дегустираме при патување во Италија, а бидејќи ни се допадна многу, се потрудивме да најдеме испробан италијански рецепт за ова слатко ремек дело. Ако имате малку време, не двоумете се и пробајте ја популарната кростата со џем од јагоди.
Еден од џемовите кој традиционално се припрема во нашите домови е џем од црни сливи. За негова подготовка најдобро е да се користат црни сливи кои се зрели и меки. Ние денес ви претставуваме еден малку поинаков рецепт за џем од црни сливи со чоколадо приготвен во рерна, а многу вкусен за целото семејство.
Сезоната на малите слатки рибизли е во полн ек. Колку се здрави веќе сите знаеме, но за жал некако ги занемаруваме и ретко ги користие. Но, тоа не значи дека од овие црвени бисерчиња не може да направиме превкусни десерти. На блогот од нашата пријателка Лана наидовме на многу рецепти со ова интересно овошје. А денес одлучивме да споделиме со вас рецепт за џем од рибизли кој подоцна може да го искористите за подготовка на најразлични десерти.
