Салатите, печените зеленчуци и варените компири се одлично решение доколку сакате да се храните здраво и диетално. Може да ги конзумирате во секое годишно време, како додаток во менито или пак како главен оброк. Тие се здрави и полни со нутриенти, а се многу повкусни кога се сервирани со прелив за салати, затоа што преливот го збогатува нивниот вкус.
Традиционално и вкусно! Во нашата земја најпознати се штипската и велешката пастрмајлија, но овој македонски специјалитет се приготвува насекаде, во најразлични варијанти и комбинации. Може да се направи со јагнешко или пилешко месо, а ние денес ви предлагаме да пробате пастрмајлија со свинско месо, јајце и кашкавал.
Ова е моето омилено смути на сите времиња! Толку добро и лесно, енергично и освежително, совршено за хранење, но и детокс на организмот! Слатко, а без шеќер, хранливо и здраво калорично, без глутен, совршен спој од состојки! Често ви го спомнувам син ми и сега ќе ви кажам пак, уште од најмал ми е идеално гурманско друштво и секое „Мама сакам зелено смути!“, неизмерно ме радува! Имаме многу утрински фотографии како пиеме заедно, па ве охрабрувам да го пробате и понудите најдоброто зелено смути за 5 минути на вашите сакани, на децата, на родителите, на пријателите и да направите свои спомени.
„Дали сте спремни за нов есенски десерт? – Ги обожавам есенските вкусови, па од таму се роди и идејата за овие брзи и здрави мафини со јаболка и цимет. Одлични се за појадок или ужина, но и како десерт во комбинација со вашето омилено кафе. Имаат мека текстура и не се премногу благи, а јаболката им даваат убава сочност. Најважно од сѐ, се прават со едноставни состојки и тоа за помалку од 10-тина минути! Нема матење со миксер, користење на многу садови, а домот ќе замириса на ванила, печени јаболка и цимет.
Уште на прв поглед и прв залак ќе се заљубите! Шаренило од бои и интересна комбинација на состојки кои ветуваат гурманско доживување. За сите љубители на егзотични вкусови имаме одличен рецепт! Првата можна прилика пробајте го вака стокменото јадење – пилешко филе со ориз и зеленчук во светски популарниот Буда стил ќе го обожаваат и децата и возрасните!
Сакаш убаво јадење со нов вкус?! – Имаме баш такво на менито денес, за домашните и за честење, совршено во секоја смисла! А, од време на време, на сите ни се случува да немаме идеја што да подготвиме за ручек. Па, не очајувај, тука сме да ти помогнеме. Пробај печен пилешки стек со кашкавал, идеален предлог за промена на менито!
„Ако често пати се прашувате што брзо, плус хранливо и вкусно да јадете, рецептов кој ви го предлагам за тортилја ролничка ќе ви биде прв одговор секогаш, исто како и нам дома, особено за вечера! Ова е еден од покреативните начини кои мајките со мали деца можат да го користат за им „подметнат“ на свиоите најмили вкусни и хранливи материи. Наредно ќе ви кажам и за уште една варијација на вкус која ја обожаваме, а ќе ве очекувам со сликички, кометари и нови идеи за филови и од вас.“ – срдечно споделува Катерина Шамбевска Спасеновска од нашиот тим.
„Сте пробале ли камиказе коктел? Името доаѓа од јапонскиот збор 神風 што во превод значи божествен ветер. Овежителен е, со цитрусна арома, а кога станува збор за количината на алкохол би го вклопила во групата на средно јаки коктели. Ги обожавам коктелите кои се приготвуваат со само 3-4 состојки, а овој е еден од нив. А уште подобро е што камиказе се прави со еднакви количини вотка, трипл сек и сок од лимета. Направете го и уживајте!“ – вели Марија, фудблогер и уредник на нашиот сајт.
,,Вкусот на јадењата пренесуван со генерации, никогаш не излегува од мода! Такво е и ова макало! – Ако не знаете што вкусно и лесно да си подготвите, пробајте го безвременскиот рецепт за традиционално макало од пиперки со компири! Го правеа моите баби, мајка ми, па и јас. ” – срдечно споделува Катерина Шамбевска Спасеновска од нашиот тим.