Да го подобриме здравјето и да им ставиме крај на срцевите заболувања, високиот крвен притисок, артериосклерозата, покачениот холестерол, триглицеридите… Сѐ за храна со големо задоволство го најавува настанот „Здрави навики за здрав срцев ритам“, кој ќе се одржи на 27-ми Март, понеделник во малата сала на Центарот за Култура во Битола. Почетокот на настанот е од 18.00 часот, а влезот е бесплатен.
Настанот има за цел да ги промовира здравите животни навики како важен фактор за превенција на кардиоваскуларните заболувања. За таа цел ќе се зборува за улогата и значењето на секојдневните избори на храна, навиките и нивното влијание врз здравјето.
Брзиот начин на живот, стресот, пороците, како и неизбалансираната исхрана, можат да предизвикаат нарушување на здравјето кај граѓаните. Истражувањата од последните години покажуваат дека секој втор Македонец умира од кардиоваскуларни заболувања. За таа цел, темите на настанот вклучуваат дискусии со експерти од областа на медицината и храната, околу ризик факторите, последиците, совети за превенција и препораки за подготовката на оброци кои се сојузници на здравите крвни садови и срцето.
На наше големо задоволство, своите препораки за здрав срцев ритам ќе ги сподели Д-р Светлана Стефановска, субспецијалист кардиолог.
Модератори на настанот ќе бидат основачите и уредниците на веб порталот sezahrana.mk, М-р Катерина Шамбевска и М-р Марија Кочовска. Имаат објавено по 10-тина научни трудови во областа на храната. Интересот за влијанието на исхраната врз здравјето ги мотивирал да посетат повеќе курсеви од областа на храната и здравјето на светски престижни универзитети на различни теми:
- Исхрана за промоција на здравјето и превенирање на болести, University of California, San Francisco;
- Исхрана и физичка активност за здравје, University of Pittsburgh;
- Наука за гастрономија, The Hong Kong University of Science and Technology;
- Исхрана, здравје и животен стил: проблеми и сознанија, Vanderbilt University School of Nursing;
- Детска исхрана и готвење, Stanford University;
- Основи на човекова исхрана, University of Florida;
- Нова Нордиска исхрана, од гастрономија до здравје, University of Copenhagen.
Добредојдени сте сите! Влезот е бесплатен, а бројот на седишта е ограничен. Резервирајте го вашето место на 075 861 907 или info@sezahrana.mk, секој работен ден од 11 до 17 часот.
Ве очекуваме! Сите новости следете ги на официјалниот настан на Facebook „Здрави навики за здрав срцев ритам“.
Ви предлагаме да прочитате: Голема посетеност на настанот „Подобра исхрана, подобар живот“.