Во организација на Тримекс, во саботата на 02.11.2019 година се одржа акредитираниот настан „CoQ10 повеќе од енергија, повеќе од суплемент“. Истиот се одржа во Белведере, Битола, а учествуваа повеќе од 40 доктори од охридско-битолскиот регион.
Свое излагање на темата имаа Д-р Васко Хаџиев, специјалист по интерна медицина кој говореше за важен коензим за здравјето, на тема „CoQ10 повеќе од енергија, повеќе од суплемент“ и Д-р Нела Деспотовска која говореше за важноста на додатоците во исхраната, нивен правилен избор и примена, за постигнување на оптимално здравје кај пациентите. Д-р Хаџиев ги објасни улогите, формите, присуството во органите, надворешните извори на CoQ10. Посебен осврт даде за оксидативниот стрес и срцевата слабост, антиоксидативната улога на CoQ10, Q Symbio студијата која го потврди неговото централно место во примарна и секундарна превенција на кардиоваскуларни заболувања (срцева слабост).
По завршувањето на излагањата на предавачите, следуваше и дискусија на која присутните поставуваа прашања. Настанот беше акредитиран од Лекарската комора на РМ.
Упатуваме честитки до Тримекс за успешниот настан и се заблагодаруваме за поканата!
Може да ве интересира: Д-р Нела советува: CoQ10 е чувар на срцето и младоста.