Пилинг со сол и шеќер против стрии и целулит 1

Пилинг со сол и шеќер против стрии и целулит

Убавото кај пилинзите е тоа што истите може многу лесно да се направат и од домашни состојки кои се лесно достапни и ефтини и кои речиси сите ги имаме во нашата кујна. Ви нудиме еден лесен рецепт за пилинг со сол и шеќер кој покрај тоа што ги отстранува мртвите клетки, помага и во борбата против целулитот и стриите.

Основната намена на пилинзите е отстранување на нечистотиите и мртвите клетки од кожата. Затоа, тие треба да имаат абразивна структура. Бидејќи самата постапка ја поттикнува циркулацијата на крвта и придонесува за подмладување на клетките, после нивната употреба кожата останува мазна. Шеќерот е „задолжен“ за механичкото дејство. Морската сол е богата со јод и микроелементи кои ја обновуваат кожата и затоа за овој пилинг е вклучена и таа. Додека пак за масло, може да се употреби било кое природно масло кое ја хидрира кожата како кокосовото и маслиновото.

Пилинг со сол и шеќер против стрии и целулит 2

Состојки:

  • 200 г морска сол
  • 200 г шеќер
  • 150 до 200 мл маслиново или кокосово масло.

Подготовка и употреба:

  1. Во стаклен сад измешајте ги солта, шеќерот и маслото, така што ќе добиете смеса со густина слична како јогурт.
  2. Вака подготвениот пилинг користете го секоја вечер пред туширање.
  3. Се нанесува со триење на проблематичните делови од кожата, така што ќе се масирате со кружни движења од 2 до 3 минути.
  4. Потоа, едноставно исплакнете со топла вода и нанесете хидратантен крем или лосион за тело.
  5. Резултатите се видливи по само еден месец редовна употреба на вака подготвениот пилинг. Ќе забележите дека стриите и целулитот се помалку забележливи.

Препорака плус: Не треба да престанете со употреба на пилингот по забележувањето на првите позитивни ефекти, бидејќи со неговата редовна употреба возможно е скоро целосно да исчезнат стриите и целулитот.

Ви препорачуваме да прочитате: 4 совети против целулит и за полесно слабеење.

Следете ја sezahrana.mk и на Instagram и Pinterest.

Сподели: