Искористете го сонцето, направете го овој природен спреј за осветлување на косата, а воедно забрзајте го нејзиниот раст!
Со мал буџет, вашата коса ќе добие многу светли и топли нијанси и што е најважно ќе остане здрава и сјајна.
Тајните состојки на овој магичен спреј за осветлување на косата се камилица, лимон и рузмарин, а единствено што треба да правите е пред излегување од дома да ја испрскате косата и за неколку дена ќе добиете светли прамени.
Како да направите домашен спреј за осветлување на косата?
Сигурно дома ви се наоѓаат вреќички со чај од камилица, а најверојатно имате и рузмарин кој го користите како зачин. Штом е така, може да започнете со подготовка.
Состојки:
- 2 вреќички чај од камилица
- ½ мала лажичка сушени листови од рузмарин
- 5 мали лажички свежо цеден сок од лимон (за осветлување на косата)
- 1 чаша вода.
Подготовка:
- Водата ставете ја да се вари. Штом водата зоврие во тенџерето ставете ги вреќичките со чај. Оставате ги додека ги приготвувате другите состојки.
- Листовите од рузмарин ставете ги во блендер и ситно исечкајте ги. Доколку немате блендер, може рачно да ги исечкате.
- Вреќичките извадете ги од чајот и додајте го свежо цедениот сок од лимон. Измешајте и додајте ги листовите од рузмарин.
- Растворот ставете го тегла да стои еден ден. Потоа, процедете го и течноста ставете ја во шише со прскалка. Прскајте ја косата еднаш во текот на денот, а најдобро е наутро. Спрејот може да се користи и на сува и на влажна коса.
Совет плус: За најдобри резултати користете го спрејот кога времето е сончево.
Ви предлагаме да прочитате: Спреј од нане и рузмарин за подобар раст на косата.