Како резултат на ладното време, ветерот во зима, а сончевите зраци во лето, нечистотијата и неправилната исхрана, лицето претрпува многу непосакувани промени како што се акните, црвенилото, иритацијата, брчките и хиперпигментацијата. Затоа на кожата и е потребна секојдневна нега. Кога сме кај тоа, ви претставуваме природна маска за лице со лимон и мед, која ќе ја освежи кожата на лицето и ќе го подобри нејзиниот изглед.
За да го подобрите изгледот на кожата, многу е важна исхраната. Консумацијата на органско овошје и зеленчук, особено она кое изобилува со витамини А и Ц е може да ви помогне за убав изглед на кожата. За да се поттикне процесот на прочистување на организмот од штетни токсини, потребно е исто така, да се пие и многу вода.
Природна маска за лице од лимон и мед
Направена од неколку едноставни состојки, оваа маска е право освежување за лицето во домашни услови. На сите им е познато дека, лимоните се природен извор на витамин Ц, па затоа наоѓаат примена во голем број на козметички препарати наменети за белење на флеките на кожата, но исто така и за изедначување на тенот. Медот долго време се користи против стареење на кожата. А млекото е одлично за хидратација на кожата.
Состојки:
- 1 лажица сок од лимон
- 1 лажица млеко во прав
- 1 лажица мед
- неколку капки етерично масло по желба.
Начин на подготовка и употреба:
- Сите состојки добро промешајте ги додека добиете густа хомогена смеса.
- Оваа маска нанесете ја на чисто лице, оставете ја да делува околу половина час, па исплакнете ја со чиста вода.
Ви предлагаме да прочитате: Маска од круша и мед за убава кожа на лицето.