Кога станува збор за шеќер, било тоа да се коцки од шеќер, шеќер во прав или кристална форма, тој е познат како една од многу посакуваните намирници, но и храна за која е задолжително да внимаваме во која количина го јадеме, а најдобро би било да го заамените со кафеав шеќер, мед или стевија.
Имајќи ја предвид неговата секојдневна употреба во разни јадења, десерти и напитоци, навистина мора да внимаваме на количината која ја внесуваме, а еден интересен начин е ако количината ја броиме во коцки. Ова интересно видео ќе ве научи нешто ново кое може да се изведи дома, а не е воопшто комплицирано. Следете ги предложените неколку чекори. Лесно е, ќе пробате и ве уверуваме дека ќе уживате во експериментот!
Состојки:
- 1 голема чаша шеќер (или 1 шолја)
- 3 лажички вода.
Подготовка:
- Во сад се ставаат шеќерот и водата, по штои добро се меша. Доколку сакате поголема доза, слободно зголемете ја дозата на состојките (како што е прикажано во примерот).
- Потоа ставете ја смесата во сад обложен со хартија за печење и израмнете ја со кујнски алат.
- Исечете ја на коцки и ставете ја во загреана рерна на 120 степени.
- Оставете така да се суши околу 60 минути, па откако ќе се олади околу 10 минути можете да ги формирате коцките шеќер.
Се надеваме дека ќе се забавувате и ќе уживате во домашно направените коцки од шеќер!
Ви предлагаме да прочитате: 10 невообичаени начини да употребите шеќер.