Брзо и лесно направете си уникатна подлога од камчиња на која може да ги оставате жешките тави и тенџериња. Потребни ви се само 10-тина минути, па ајде да започнеме!
Сигурно многупати сте биле во ситуација да треба да го ставите тенџерето со супа или чорба врз масата, а тоа да е многу жешко. Во тој момент посакувате да имате подлога која убаво изгледа, а воедно ќе го заштити стаклото или масата од големата топлина. Драги наши креативци сигурно собравте камчиња од летниот одмор или веќе имате дома. Искористите ги мудро и направете си уникатна подлога. За најдобар резултат погледнете го видеото и следете ги инструкциите.
Потребни ви се:
- чоја
- мазни камчиња
- кружен предмет (тава, големо тенџере и слично)
- ножица
- маркер
- силиконски пиштол.
Начин на изработка:
- Врз парчето чоја ставете го кружниот предмет. Може да користите некоја голема тава или тенџере.
- Со помош на маркер исцртајте кружна форма врз чојата. Потоа исечете со помош на ножица.
- Врз подлогата наредете камчиња за да се пополни цел простор, но без да ги лепите.
- Потоа земајте камче по камче и со помош на сликионскиот пиштол лепете ги врз чојата. Штом завршите со лепење на сите камчиња, вашата подлога за жешки тави и тенџериња е готова.
Ви предлагаме да прочитате: Едноставно и брзо исчистeте ги загорените тави и тенџериња.