Нов и креативен „направи сам“ проект за сите љубители на забавата! Искористете ги старите шишиња и направете сет за куглање, кој најмногу ќе им се допадне на децата.
Наместо кугла искористете гумена топка и забавата е гарантирана! Следете ги инструкциите и погледнете го краткото видео. А ако сте љубител на овие проекти, ви предлагаме да погледнете:
- Декоративен украс од пластично шише.
- Направете држач за мобилен телефон од пластично шише.
- Направете сами саксии за цвеќиња од пластични шишиња.
Како да направите сет за куглање од пластични шишиња?
Најважно е да имате најмалку 6 пластични шишиња на располагање, било тоа да се мали и поголеми. Освен нив потребно ќе ви биде:
- темпери бои
- четче за боење
- лепило или силиконски пиштол
- потврда хартија за капи
- ножица
- црн маркер.
Постапка:
- Секое пластично шише обојте го во бела боја и оставете ги да се исушат.
- Со помош на маркер, во горниот дел на шишето исцртајте очи и уста.
- Потоа со зелена боја нацртајте палто, а со светло зелена боја пантолони.
- Горниот дел на шишето обојте го со портокалова боја.
- Со маркерот исцртајте копчиња. Повторно оставете шишињата да се исушат.
- Од хартијата исечете капи. Со лепило или силиконски пиштол залепете ги врз капачето. Со тоа вашиот сет за куглање е готов. Ако сакате во шишињата може да ставите вода или песок.
Ви предлагаме да прочитате: Претворете ги пластичните шишиња во висечка градина.